I Samuẹl 3:13 - Edo Bible (E Baibol Ẹdo) Version 1996

¹³ I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.

I Samuẹl 3:13 ပူးပေါင်းရင်းမြစ်များ

I Ọba 2:44

U rẹnrẹn ẹsẹse avbe emwi dan ne u ru erha mwẹ ighẹ Devid re. Te Nọyaẹnmwa rria ruẹ ikhi yọ.

II Krọnikol 20:12

We ọrọre Osanobua mwa! Rri iran oya, rhunmwuda, ma i miẹn emwi ọkpa ru vbe ehe ne ivbiyokuo ni bun sẹ nian na, ni gu ima khọn ye, ma ma rẹn emwi ne ima gha ru, sokpan, aro ruẹ ma ghi ghe ne iyobọ.”

Itan 19:18

Ma ivbi uẹ emwi vbe iran ma he wan gbe ne ọ sẹtin ruẹ emwi guẹ. Adeghẹ u ma ru ẹe vberriọ, te u ru iyobọ ne iran ya fuẹn egbe iran an.

Itan 29:15

A gu ọmwa gui kevbe a gbe ọmwa hin ọkhọ rre, wa maa ne ibiẹka. Adeghẹ a gie ọmọ wa gha ru emwi ne ọ rhirhi khọn rẹn, te ọ ra gie ekhue ẹre gha mu iye ẹe.

Asan-Ibo 7:22

Wẹ tobọọ rẹnrẹn wẹ ẹ i re avbiẹ inugba wẹ he rhovbiẹ emwa ọvbehe.

Ezikiẹl 18:30

“Mẹ ne Nọyaẹnmwa ne Udazi ọ re ọ tama uwa ne ivbi Izrẹl na nian wẹ emwi ne dọmwadẹ ọghọe vbe uwu uwa ru ọ re I ra ya bu ohiẹn ọnrẹn. Wa rhie obọ hin emwi dan ne uwa ru hia rre, ne uwa ghẹ gie orukhọ ne uwa ru gbe uwa uhunmwu.

Ezikiẹl 7:3

“Izrẹl, ufomwẹ rre nẹ, wa gha họn ẹmwẹ ohu mwẹ vbe egbe, rhunmwuda, I ra rria uwa ikhi ye emwi ne uwa ru. I gha ha uwa osa uyinmwẹ ne ọ hu ẹko ne uwa yinrin.

Joẹl 3:12

“Te avbe uhunmwu ẹvbo gha mu egbe, ne iran gha die Iya Ibuohiẹn. Evba mẹ ne Nọyaẹnmwa ra na tota, ne I bu ohiẹn, avbe ẹvbo ni lẹga eni hia.

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Diuteronomi 17:12

Ọmwa ne ohan gie ẹe fieghe uhunmwu ye ẹmwẹ ne ne ọ bu ohiẹn ra ohẹn ne iruemwi sẹ ọ re egbe ẹghẹ nii ta ẹe, a ghi gbe ẹe rua, odẹ vbe nian, u gha wabọ emwi dan vberriọ hin egbe ivbi Izrẹl rre.

Diuteronomi 21:18

“Ọ gha re te ọmwa ghi mwẹ ọmọ ne ọ ze vbe udu kevbe ne ẹ i họn ẹmwẹ, ọmọ ne ẹ i họn ẹmwẹ ne evbibiẹ ọe, vbene ọ khọn iran ne iran a yan rri ọ re oya sẹ,

I Jọn 3:20

Rhunmwuda, deghẹ orhiọn mwa bu abe gbe mwa, ma rẹnrẹn wẹ Osanobua kpọlọ sẹ orhiọn mwa, rẹn vbe rẹn emwi hia.

I Samuẹl 2:12

Ivbi Elai ne ikpia kegha re emọ ni ku ogboi. Iran i zẹdẹ zẹ ye ẹmwẹ e Nọyaẹnmwa

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.