I Samuẹl 3:11 - Edo Bible (E Baibol Ẹdo) Version 1996

¹¹ E Nọyaẹnmwa keghi tama rẹn wẹẹ, “I khian ru emwa Izrẹl emwi ne ọ mu ohan sẹ vberriọ wẹ ọmwaikọmwa ne ọ rhirhi họn ẹn, ikponi ghi sa ku ọ re.

I Samuẹl 3:11 ပူးပေါင်းရင်းမြစ်များ

II Ọba 21:12

Rhunmwuda ọnii, mẹ ne Nọyaẹnmwa ne Osanobua ọghe Izrẹl, gha gie ọkhọ rruan e Jerusalẹm kevbe Juda egbe ọkhọ ne a gha miẹn wẹ ọmwa ne ọ rhirhi họẹn, izegbe ghi zẹ ọe.

Job 41:9

Ọmwaikọmwa ne ọ bẹghe Leviatan te udu ẹre kpaẹn, ọ ghi de guo ye otọ.

Aizaia 28:19

Ọ gha kinmwi uwa yan egbe yan egbe owiẹ owiẹ, wa ghi vba ẹre vbe egbe ke avan kevbe asọn. Dọmwadẹ uhunmwu ọgbọn ne Osanobua gie rre, ọ re ọ gha vbe gha si ugborrirri ọgbọn rre.

Aizaia 29:14

Rhunmwuda ọnii, I gha runran iran, vbe ne I gha na kinmwi iran yan egbe yan egbe vbe a ma ro a ma kọ. Iran ni te wan gha khian akpa, ẹwaẹn ne iran wẹ iran wan hia ghi do khian ekẹkan.”

Jerimaia 19:3

E Nọyaẹnmwa keghi tama mwẹ wẹ ne I kha wẹẹ, “Avbe ọba e Juda, kevbe ivbi e Jerusalẹm, wa danmwehọ ẹmwẹ ne Nọyaẹnmwa ne Oghodua ne Osanobua Izrẹl ra ta. I ra gie egbe ọkhọ okpa do sunu vbe emwa na, wẹ izegbe gha zẹ dọmwadẹ ọmwa ne ọ rhirhi a họn ẹẹn.

Habakọk 1:5

E Nọyaẹnmwa tama emwa rẹn wẹẹ, “Wa gbe aro ke otọ vbe egbe ẹvbo ni lẹga uwa, emwi ne uwa miẹn gha wa yan uwa unu uan. I khian ru emwi eso ne uwẹ i ra yayi vbe u gha họn ẹn.

Iyẹn ne ọ Maan Ọghe Luk 21:26

Emwa gha fọrhiọn ba ẹmwẹ ohan nọ mu iran vbe ehe ne iran na de gọọ, gha khẹ vbe ne agbọn ghi ra ru hẹ, rhunmwuda a gha kpẹngiẹn ẹtin ni rre ideghedeghe aro iso hin ẹzi iran rre.

Iwinna 13:41

“ ‘Ghe, wa ne ọkpọzua, wa gie ẹe yan uwa aro ua ne uwa wulo! Rhunmwuda iwinna ne I winna vbe ẹghẹ rua na keghi re emwi ne uwa i ra yayi, a gha rhe miẹn ne ọ rhan otọ ẹre ma uwa!’ ”

I Samuẹl 3:10

E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 4:10

Ivbi e Filistin keghi wa kakabọ gbinna, a keghi khọn miẹn ivbi Izrẹl otọ, iran na lẹ gha rrie owa iran. Obọ wa da iran ẹsẹse, iran keghi gbele arhun arriaisẹn ọgban (30,000) vbe ivbi iyokuo Izrẹl,