I Samuẹl 3:10 - Edo Bible (E Baibol Ẹdo) Version 1996

¹⁰ E Nọyaẹnmwa kegha dee, ọ keghi mudia vbe evba, ọ keghi dọlegbe tie zẹ vbene ọ ka tie yi, “Samuẹl! Samuẹl!” E Samuẹl keghi wanniẹn wẹẹ, “Gha guan; ọguọmwadia ruẹ danmwẹ ehọ.”

I Samuẹl 3:10 ပူးပေါင်းရင်းမြစ်များ

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

I Samuẹl 12:2

Banbanna nian, rẹn rre emwa ne ọ gha viọ uwa khian. Mẹ nian, I khian ọmaẹn nẹ, I vbe fu edẹ. Ivbi mwẹ vbe gu uwa rrọ. Mẹ ọ re ọ gha re ọkaolotu uwa ke ẹghẹ ọvbokhan kpao do sẹ wanwan na.

I Samuẹl 3:11

E Nọyaẹnmwa keghi tama rẹn wẹẹ, “I khian ru emwa Izrẹl emwi ne ọ mu ohan sẹ vberriọ wẹ ọmwaikọmwa ne ọ rhirhi họn ẹn, ikponi ghi sa ku ọ re.

I Samuẹl 3:15

E Samuẹl keghi lovbiẹ ye ukpo ẹre rhinrin ya sẹ owiẹ, ọ keghi kpaegbe ọ na ya kie urho ọgua Osa. Ohan ma gie ẹe ta umian nii ma Elai.

I Samuẹl 3:21

E Nọyaẹnmwa keghi wa gha rhie egbe maa vbe Silo, ehe ne ọ na rhie egbe ma Samuẹl, ọ na vbe guẹe guan, Izrẹl hia ghi wa gha rhie ẹmwẹ ọnrẹn.

I Samuẹl 3:8

E Nọyaẹnmwa keghi dọlegbe tie Samuẹl ukpogieha, rẹn guakpao, ọ bu Elai, ọ tama tẹn wẹẹ, “Ẹ i re te u tie mwẹ, ghe mwẹ.” Ẹghẹ nii ọ re Elai na do rẹn wẹ, e Nọyaẹnmwa ọ re ọ tie ọmọ na.

I Samuẹl 3:9

Rẹn keghi rhunmwuda ọnii tama rẹn wẹẹ, “Ya dọlegbe lovbiẹ, ọ gha ye dọlegbe tie ruẹ, u ghi kha wẹẹ, ‘Gha guan e Nọyaẹnmwa, ọguọmwadia ruẹ danmwehọ.’ ” Ẹre Samuẹl na werriegbe ya lovbiẹ.