I Samuẹl 29:4 - Edo Bible (E Baibol Ẹdo) Version 1996

⁴ Sokpan, ohu Akis keghi mu avbe ivbiyokuo e Filistin, iran tama rẹn wẹẹ, “Wẹ ne ọmwa nii werriegbe gha rrie ẹvbo ne u mu ne ẹẹn. Ghẹ gie ẹe lele ima yo okuo, rhunmwuda, ọ gha sẹ ẹghẹ igbinna, ọ sẹtin fiwerriẹ mu aro da ima. De emwi ne ọ maa sẹ ne ọ gha ya dẹ aro nọ maa vbe obọ arowa ẹre gberra ne ọ gbele emwa ima?

I Samuẹl 29:4 ပူးပေါင်းရင်းမြစ်များ

I Krọnikol 12:19

Ivbiyokuo eso vbe ẹwae Manasẹ keghi ya deba e Devid vbe ẹghẹ ne ọ na lele ivbi e Filistin ladian vbe iran ra ya gu e Sọl gbinna. Vbene ẹmwata, ọ ma ru iyobọ ne ivbi e Filistin rhunmwuda ohan mu avbe ọba iran wẹ ọ gha fi iran ne Sọl ne arowa ẹre nẹdẹ, iran na wẹ ne ọ werriegbe gha rrie Ziklag.

I Krọnikol 12:20

Ọ ghi werriegbe dee, avbe ivbiyokuo na ọ re ọ gberra ghe obọ ọghe Devid: Adna, e Jozabad, Jediaẹl, e Maikẹl, Jozabad, Elihu kevbe Ziletai. Ẹghẹ ne iran na gha rre Manasẹ ivbiyokuo arriaisẹn ọ re ọkpọkpa vbe uwu iran gha gbe aro ghe.

Ẹksọdọs 1:10

Rhunmwuda ọnii, wa danmwehọ, te ima gha ya ẹwaẹn ya obọ mu iran ne iran ghẹ ghi muan sayọ. Okuo i ghẹ rre, iran sẹtin wa deba avbe eghian ima gu ima gbinna, iran ghi lẹkua vbe ẹvbo na.”

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

I Samuẹl 14:21

Ivbi e Hibru eso ni te ka deba emwa e Filistin, iran na lele iran gha rrie okuo, keghi fi obọ werriẹ, iran na deba e Sọl kevbe Jonatan.

I Samuẹl 27:6

Ẹre Akis na mu Ziklag ne ẹẹn. Ọna ọ re ọ sii ẹe ne a na miẹn wẹ avbe ọba Juda ọ re ọ yan Ziklag ke ẹghẹ nii gha dee.

I Samuẹl 29:9

Akis keghi wanniẹn wẹẹ, “I rẹnrẹn, I ka a ba usun emwa ni gie a mu ẹtin yan zẹ vbene odibo Osanobua ye. Sokpan avbe enigie nekpa kha ne wẹ iran i gie uẹ lele ima gha rrie okuo.

I Samuẹl 30:1

E Devid kevbe emwa rẹn keghi do sẹ Ziklag vbe iyeke ikpẹdẹ eva. Ivbi Amẹlẹk kegha khọn odẹ ekẹn ọghe Juda, iran na vbe do sẹ Ziklag. Iran keghi wa giẹn ẹvbo nii sẹ otọ.