I Samuẹl 29:3 - Edo Bible (E Baibol Ẹdo) Version 1996

³ Ọkaokuo ivbi e Filistin keghi kha wẹẹ, “De emwi ne avbe ivbi Hibru na ru vbe emwana yi?” Akis keghi wanniẹn wẹẹ, “E Devid ọna khin, ọkaokuo e Sọl ne ọba Izrẹl nọ, ehe ne I ye ọ re ọ ye ke ẹghẹ ne ọkpẹre gha dee, kevbe ne ọ ya bu mwẹ gha dee, ọ ma he ru emwi ọkpa ne I gha gbe ikhan yi.”

I Samuẹl 29:3 ပူးပေါင်းရင်းမြစ်များ

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

I Krọnikol 12:19

Ivbiyokuo eso vbe ẹwae Manasẹ keghi ya deba e Devid vbe ẹghẹ ne ọ na lele ivbi e Filistin ladian vbe iran ra ya gu e Sọl gbinna. Vbene ẹmwata, ọ ma ru iyobọ ne ivbi e Filistin rhunmwuda ohan mu avbe ọba iran wẹ ọ gha fi iran ne Sọl ne arowa ẹre nẹdẹ, iran na wẹ ne ọ werriegbe gha rrie Ziklag.

I Krọnikol 12:20

Ọ ghi werriegbe dee, avbe ivbiyokuo na ọ re ọ gberra ghe obọ ọghe Devid: Adna, e Jozabad, Jediaẹl, e Maikẹl, Jozabad, Elihu kevbe Ziletai. Ẹghẹ ne iran na gha rre Manasẹ ivbiyokuo arriaisẹn ọ re ọkpọkpa vbe uwu iran gha gbe aro ghe.

Daniẹl 6:5

Iran keghi gu egbe iran zẹ ọre iro wẹẹ, “Ma i miẹn emwi ọkpa ka ye Daniẹl owẹ ne a ya gu ẹe gui vbe ẹ i re emwi ne ọ laghe ẹmwẹ iyayi ẹre.”

Iyẹn ne ọ Maan Ọghe Jọn 19:6

Ugbẹn vbe avbe igie ohẹn kevbe avbe ọgbalegbe ghi wa bẹghe ẹre, iran davan wẹẹ, “Kan rẹn mu ugbugbe! Kan rẹn mu ugbugbe!” Pailet tama iran wẹẹ, “Wa mu ẹn khekherriọ ne uwa tobọ uwa ya kan rẹn mu ugbugbe, Mẹ ma miẹn abe bu gbe ẹe.”

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.

I Samuẹl 14:11

Ẹre iran na gie ivbi e Filistin deghẹ iran, ivbi e Filistin keghi kha wẹẹ, “Ghe vbe ivbi e Hibru eso ke uwu uvun ne iran te lẹre yi ladian.”

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 27:1

E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”

I Samuẹl 27:7

E Devid keghi gbe uki enẹ irrọvbugie vbe Filistia.

I Samuẹl 29:6

Akis keghi tie Devid, ọ na tama rẹn wẹẹ, “I ye Osanobua Izrẹl ne ọ rrọ vẹn ihẹn wẹ u guobọ mwẹ kevbe wẹ ọ gha wa yẹ mwẹ ne u lele mwẹ gha rrie okuo na. I ma he miẹn a baku ru vbe obọ ruẹ ke ẹdẹ ne u bu mwẹ rre gha dee, sokpan, enigie nekpa ma kue ye ẹmwẹ ruẹn.

I Samuẹl 4:6

Avbe Filistin ghi họn uwemwẹ nii, iran keghi kha wẹẹ, “Wa họn vbene ivbi e Hibru wee hẹ vbe agọ iran, vbọ ya de?” Iran ghi họn wẹ, Ẹkpẹti Ile ọghe Nọyaẹnmwa ọ re iran mu rrie agọ.