I Samuẹl 29:10 - Edo Bible (E Baibol Ẹdo) Version 1996

¹⁰ Rhunmwuda ọnii nian, e Devid, owiẹ ne akhuẹ, wa hia ni lẹ sẹ e Sọl rae bu mwẹ gha dee, wa ghi kpaegbe vbe owiẹ fioo ne uwa gha rrie vbe ẹdẹ a da wan.”

I Samuẹl 29:10 ပူးပေါင်းရင်းမြစ်များ

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

I Krọnikol 12:19

Ivbiyokuo eso vbe ẹwae Manasẹ keghi ya deba e Devid vbe ẹghẹ ne ọ na lele ivbi e Filistin ladian vbe iran ra ya gu e Sọl gbinna. Vbene ẹmwata, ọ ma ru iyobọ ne ivbi e Filistin rhunmwuda ohan mu avbe ọba iran wẹ ọ gha fi iran ne Sọl ne arowa ẹre nẹdẹ, iran na wẹ ne ọ werriegbe gha rrie Ziklag.

I Krọnikol 12:22

Uhin ighẹ ẹdẹgbegbe ọre emwa ya gha deba ivbiyokuo e Devid, sẹrriọ wẹ vbe ọma ghi he kpẹe, ivbiyokuo ẹre keghi khian ọrhẹnrhẹn.

I Kọrinti 10:13

Edanmwẹ ne uwa he miẹn hia, egbe ne emwa ọvbehe hia vbe miẹn nọ. Rhunmwuda, Osanobua gha yan an, te ọ muẹn sẹ, ẹ i ra kue ne a danmwẹ uwa ghe gberra vbene ẹtin uwa sẹe, sokpan ẹghẹ ne a na danmwẹ uwa ghe nii, ọ gha rhie ẹtin ne uwa ya ya egbe miẹn ẹnrẹn, ne uwa miẹn ehe na sẹtin do ọe fe.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

I Samuẹl 29:11

Ẹre Devid kevbe emwa rẹn na kpao vbe owiẹ vbirrivbirri vbe ẹdẹ ne ọ lele ẹe, iran na dọlegbe gha rrie Filistin. Ivbi e Filistin kegha rrie Jezrẹl.