I Samuẹl 29:1 - Edo Bible (E Baibol Ẹdo) Version 1996

¹ Ivbi e Filistin keghi viọ ivbiyokuo iran gha die Afẹk, vbene ivbi Izrẹl na si agọ iran bu ye ovbi ẹzẹ ne ọ rre Iya Jezrẹl.

I Samuẹl 29:1 ပူးပေါင်းရင်းမြစ်များ

II Samuẹl 2:9

Ọ keghi ma ẹre ọba ọghe otọ Giliad, Asia, Jezrẹl, Ifreim kevbe Bẹnjamin, ne a wa kha wẹ, ọghe otọ Izrẹl hia.

II Samuẹl 5:17

Ivbi e Filistin keghi họn ighẹ a ma e Devid ọba Izrẹl, iran hia keghi ladian ne iran ya mu ẹre oghunmwu. E Devid ghi họn, ọ na gha rrie odin ẹvbo.

I Ọba 20:30

Iran ni miẹn uhunmwu vbọ keghi lẹ la adesẹ ore ẹvbo, iran kegha rrie ẹvbo ne a tie ẹre Afẹk, ekẹn ne a gbe lẹga ẹvbo nii keghi siẹn rhu iran, ọ keghi gbele arhin arriaisẹn eha irrọ vbe ọgban (27,000), vbe uwu iran. E Benhadad kevbe lẹfua, ọ na ya lẹre ye ughugha ne ọ rre iyeke owa.

I Ọba 21:1

Ugbo emwiokọ ọkpa keghi sikẹ ọkpẹn ẹguae Ehab vbe Jezrẹl, a kegha tie ọmwa ne ọ yan ugbo emwiokọ nii e Nabot.

I Ọba 21:23

E Nọyaẹnmwa kevbe kha vbe ekpa e Jezibẹl wẹẹ, ‘Ekita ọ re ọ khian rri ikun ruẹn vbe adesẹ ore Jezrẹl.

II Ọba 9:30

E Jehu keghi sẹ Jezrẹl. E Jezibẹl ghi họn emwi ne ọ sunu, ọ keghi ba itiro, ọ na dọlọ eto ẹre yi ẹse, ọ keghi mudia ye ewindo ẹguae ke evba gha ghe adesẹ ore.

II Ọba 9:36

Iran ghi ya na iyẹn ma e Jehu, ọ keghi kha wẹẹ, “Erriọ e Nọyaẹnmwa khare ighẹ ọ gha sunu vbe ẹghẹ ne ọ na gie ọguọmwadia ẹre ighẹ Elaija wẹẹ, ‘Ekita gha rri ikun e Jezibẹl vbe iwewe Jezrẹl,

Psalm 83:7

ivbi Gẹbal, Amọn kevbe Amalẹk, kevbe Filistia kevbe Taia.

Jọsua 12:18

Afẹk, Lasiarọn,

Jọsua 17:16

Ivbi e Josẹf keghi kha wẹẹ, “Ẹvbo oke ma sẹ ne ima sokpan avbe emwa Kenan ni rre otọe ne ọ rriẹe, mwẹ ikẹkẹ okuo ematọn. Emwa Kenan ni rre Bẹt-Sian kevbe ẹvbo ni lẹga iran vbe mwẹ ọnrẹn, erriọ iran ni rre Iya Jezrẹl vbe ye.”

Jọsua 19:18

Ehe ne ọ lae keghi ya sẹ Jezrẹl, Kiesulot, Siunẹm,

Jọsua 19:30

Uma, Afẹk, kevbe Rehọb, okpẹvbo evayanugie kevbe avbe ẹvbo ni lẹga iran.

Giọgis 6:33

Ẹre ivbi e Midian hia, emwa Amẹlẹk kevbe avbe ẹwae ni rre uwu ato na do si koko, iran na fian Ẹzẹ Jọdan rra, iran na bu agọ ye Iya Jezrẹl.

Giọgis 7:1

Ẹdẹ ikẹtin e Gidiọn keghi gua kpao vbe owiẹ vbirrivbirri ke irẹn kevbe emwa rẹn, iran na ya bu agọ ye ọkpẹn Ovbi Ẹzẹ Harọd. Agọ ọghe emwa Midian kegha rre iya vbe odẹ okuọ ọghe iran, vbe ọkpẹn oke Morẹ.

I Samuẹl 28:25

Ọ na mu evbare nii ye Sọl otọ ke ẹe kevbe emwa rẹn, iran na re. Iran keghi kpao vbe asọn ọkpa nii.

I Samuẹl 28:4

Ivbiyokuo e Filistin keghi si egbe koko, iran keghi bu agọ ye ẹvbo ne a tie ẹre Siunẹm; e Sọl keghi viọ ivbi Izrẹl, iran na ya bu agọ ye oke Gilboa.

I Samuẹl 4:1

Ẹghẹ nii, ivbi e Filistin keghi mu okuo gie ivbi Izrẹl, ivbi Izrẹl keghi mu agọ ye Ebẹnẹza, ivbi e Filistin keghi bu agọ iran ye Afẹk.