I Samuẹl 28:16 - Edo Bible (E Baibol Ẹdo) Version 1996

¹⁶ E Samuẹl keghi wanniẹn wẹẹ, “Vbe u a na gha tie mwẹ hẹ ugbẹn vbe a miẹn wẹ e Nọyaẹnmwa fi iyeke gbe uẹ nẹ, ighẹ ọ vbe khian oghian an?

I Samuẹl 28:16 ပူးပေါင်းရင်းမြစ်များ

II Ọba 6:27

Rẹn keghi wanniẹn wẹẹ, “A deghẹ e Nọyaẹnmwa, ma yọ uẹ obọ, de iyobọ ne imẹ gha sẹtin ru ne uẹn. I mwẹ ọka ra ayọn?

Eve Orriara 2:4

Ọ ya uhanbọ kọn mwa zẹ vbene eghian ru ẹe; ọ gbele iran hia ne ima ya zowẹ ughanmwẹ ma wa họn obọ ugiẹnmwẹ ohu ẹre vbe egbe vbe Jerusalẹm vbe emwa na.

Eve Orriara 2:5

E Nọyaẹnmwa fuẹn Izrẹl rua nẹ zẹ vbe oghian ọ ye avbe odin kevbe ẹguae ẹre khian itowa ọ keghi vbe sii akhiẹ ne ẹ i fo ye ivbi Jerusalẹm egbe.

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.

Arhie Maan 18:24

A rri e Babilọn oya rhunmwuda, a miẹn esagiẹn avbe akhasẹ kevbe emwa Osanobua vbe ẹvbo nii, ẹn, ye ẹmwẹ esagiẹn emwa ne a gbele ua vbe otọ agbọn.

Giọgis 5:31

“Erriọ e Nọyaẹnmwa, te eghian ruẹn hia gha wulo, sokpan ne avbe ọse ruẹ gha wan uwanmwẹ vbe owẹn owiẹ!” Ẹre ọfumwegbe na vbe do gha rrọọ la ukpo iyeva.

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”

I Samuẹl 28:17

Emwi ne Nọyaẹnmwa wẹ ne I tama ruẹn ẹghẹ nii ọ re ọ ru uẹ re na, e Nọyaẹnmwa miẹn ruẹn arriọba ni nẹ, ọ na mu ne Devid.