I Samuẹl 28:15 - Edo Bible (E Baibol Ẹdo) Version 1996

¹⁵ E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”

I Samuẹl 28:15 ပူးပေါင်းရင်းမြစ်များ

Psalm 51:11

Ghẹ kan mwẹ fua hin ehe ne u ye rre ghẹ vbe miẹn mwẹ orhiọn ne ọ huanrẹn ruẹn.

Itan 14:14

Emwa dan gha miẹn emwi ne ọ ma iran. A gha san emwa esi ẹse ye emwi esi ne iran ru.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Giọgis 16:20

Okhuo nii keghi datu wẹẹ, “E Samsin, ivbi e Filistia dee!” Rẹn keghi rhiọrre, ọ keghi te gha ro wẹẹ, “I gha vin ladian ne I fanmwẹ gbe ua vbene I ka ru ẹẹ yi.” Ọ ma rẹn wẹ e Nọyaẹnmwa kpao sẹ ọe rae nẹ.

I Samuẹl 18:12

Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.

I Samuẹl 23:2

Rhunmwuda ọnii, rẹn keghi nọ e Nọyaẹnmwa wẹẹ, “Ne I ya gu ivbie Filistin gbinna ra?” E Nọyaẹnmwa keghi wanniẹn wẹẹ, “Ẹn gha khian ya gu iran gbinna ne u vbe miẹn Keila fan.”

I Samuẹl 23:4

Ẹre Devid na dọlegbe nọ e Nọyaẹnmwa, e Nọyaẹnmwa keghi tama rẹn wẹẹ, “Ya gu e Keila gbinna rhunmwuda I gha rhie akhọnmiotọ nuẹn.”

I Samuẹl 28:11

Okhuo nii keghi nọ rẹn wẹẹ, “De ọmwa ne I gha tie gie uẹ?” Rẹn keghi wanniẹn wẹẹ, “E Samuẹl.”

I Samuẹl 28:16

E Samuẹl keghi wanniẹn wẹẹ, “Vbe u a na gha tie mwẹ hẹ ugbẹn vbe a miẹn wẹ e Nọyaẹnmwa fi iyeke gbe uẹ nẹ, ighẹ ọ vbe khian oghian an?

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.

I Samuẹl 28:8

E Sọl keghi mu egbe ọmwa ọvbehe, ọ keghi viọ ukpọn ọvbehe ye egbe, ẹdẹ ghi mu nẹ, ọ keghi viọ eva vbe emwa rẹn ba egbe ne ọ ya miẹn okhuo nii. Rẹn keghi tama rẹn wẹẹ, “Nọ avbe ẹrinmwi mẹ ne u tama mwẹ emwi ne ọ ra sunu.” U ghi tie ẹhi ọmwa ne I ra ta eni ẹnrẹn ma ruẹn gun mwẹ.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.