I Samuẹl 28:11 - Edo Bible (E Baibol Ẹdo) Version 1996

¹¹ Okhuo nii keghi nọ rẹn wẹẹ, “De ọmwa ne I gha tie gie uẹ?” Rẹn keghi wanniẹn wẹẹ, “E Samuẹl.”

I Samuẹl 28:11 ပူးပေါင်းရင်းမြစ်များ

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Diuteronomi 18:11

Ra ẹbo, ghẹ vbe gie iran ya gha gualọ otọ emwi vbe obọ emwa ni wulo nẹ.

I Samuẹl 28:10

E Sọl keghi vẹn ihẹn wẹẹ. “I ye eni e Nọyaẹnmwa nọ rrọọ vẹn ihẹn wẹ, a i ra rria ruẹ ikhi ye emwi ne u ra ru na.”

I Samuẹl 28:12

Okhuo nii ghi bẹghe Samuẹl, ọ keghi datu. Ọ na khama Sọl wẹẹ, “Vbọzẹ ne u na rẹrẹ mwẹ yi? Wẹ ọrọre Sọl ne ọba!”

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”