I Samuẹl 27:9 - Edo Bible (E Baibol Ẹdo) Version 1996

⁹ ọ ghi gbele ikpia kevbe ikhuo ni rrọọ hia, ọ ghi viọ avbe ohuan ẹmila, ekẹtẹkẹtẹ, ogologo, uhin ya sẹ egbe ukpọn. Ọ ghi vbe werriegbe gha rrie Akis.

I Samuẹl 27:9 ပူးပေါင်းရင်းမြစ်များ

Gẹnẹsis 16:7

Odibosa e Nọyaẹnmwa keghi miẹn Hega vbe ọkpẹn ẹzẹ ne ọ rre ato vbe odẹ ne a la sẹ Siọ.

Gẹnẹsis 25:18

Uniẹn Ismẹl kegha rre otọ ne ọ rre ẹkpo Havila kevbe Siọ vbe odẹ ahọ Igipt vbe odẹ ne a la ye Siria. Iran ke yan egbe fua vbe egbe etẹn iran, ne ivbi uniẹn Ebraham ya yin ehe ọvbehe.

Job 1:3

Ọ kegha mwẹ ohuan arriaisẹn ihinrọn (7,000), e kamẹl arriaisẹn eha (3,000), oghẹn ẹmila arriaisẹn (1,000) kevbe ekẹtẹkẹtẹ iyisẹn isẹn (500). Ọ kevbe gha mwẹ eguọmwadia ni bun ẹsẹse. Rẹn ọ re ọ wa gha re ọmwa ne ọ fe sẹẹ vbe odẹ Owẹn owiẹ.

Ẹksọdọs 15:22

E Mosis keghi wẹ ne emwa nii mu egbe, ne iran kpao vbe Okun Nọbaa. Iran keghi la uwu ato ne a tie ẹre Siọ. Iran keghi ya ẹdẹ eha khian vbe uwu ato, sokpan iran ma miẹn amẹ.

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 15:7

E Sọl keghi khọn ivbi Amalẹk mu otọ ke Havila kpao ya sẹ Siọ vbe ọlarre owẹn Igipt.

I Samuẹl 15:8

Ọ keghi mu Agag ne ọba oghunmwu ke ẹe kevbe ẹmwẹ ne unu. Sokpan ọ keghi gbele emwa nekpa hia a.