I Samuẹl 27:8 - Edo Bible (E Baibol Ẹdo) Version 1996

⁸ E Devid kevbe emwa rẹn ghi mu igbinna gie emwa Gẹsiọ, Gizi kevbe Amalẹk ni ka rre otọe nii de yi ke nẹkpo i mwẹẹ arria gha dee. Ọ ghi fu emwi ni rre otọ iran ya sẹ Siọ kevbe rhinrin ya sẹ Igipt,

I Samuẹl 27:8 ပူးပေါင်းရင်းမြစ်များ

II Samuẹl 14:23

Ẹre irẹn na ghi kpaegbe, ọ na gha rrie Gẹsiọ, ọ na ya rhie Absalọm dọlegbe gha die Jerusalẹm.

II Samuẹl 14:32

Absalọm keghi wanniẹn wẹẹ, “I gie ne a tie ruẹ wẹ ne u gha de ne I giọ ne u ya tuẹ yi mwẹ vbe ọghe ọba. Vbe i a ghi kpao vbe Gẹsiọ gha die edinran baa. I ma rẹn ne I wa tota vbe odọọ.” Absalọm keghi rhie te ẹe wẹẹ, “I ho ne u mwamwa ẹẹn ne I miẹn ọba aro. A deghẹ I rri abe wẹ ne ọ gbe mwẹ uan.”

II Samuẹl 15:8

Ẹghẹ ne I na gha rre Gẹsiọ vbe Aram, I yan ma e Nọyaẹnmwa wẹ, ọ gha rhie mwẹ dọlegbe sẹ Jerusalẹm, I gha do ga ẹe vbe Hibrọn.”

II Samuẹl 3:22

Vbe iyeke ọnii, e Joab kevbe emwa e Devid nekpa ni rre asẹ keghi ke ehe ne iran na ya fu emwi viọ rre, iran na viọ emwi ni bun ne obọ iran vba re gha dee. Sokpan, Abna i ghi rre ehe ne Devid ye vbe Hibrọn, rhunmwuda, e Devid zẹ ọ re urrie nẹ, ọ kevbe yan ma rẹn ighẹ emwi rhọkpa i ra ru ẹe.

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

II Samuẹl 8:12

Ena ọrọre Idọm, e Moab, E Filistia kevbe Amẹlẹk, deba eso vbe emwi ne ọ miẹn e Hadadezẹ re.

I Krọnikol 2:23

Sokpan, otọe arriọba e Gẹsiọ kevbe Aram keghi khọn munọ ẹvbo iyeha vbe uwu ne iran ye ighẹ igue ne a tie ẹre Jea kevbe Kenat kevbe avbe ẹvbo ni sikẹ ọre. Ivbi uniẹn e Makia ne erha e Giliad ọre emwa ni rre evba hia khin.

Ẹksọdọs 15:22

E Mosis keghi wẹ ne emwa nii mu egbe, ne iran kpao vbe Okun Nọbaa. Iran keghi la uwu ato ne a tie ẹre Siọ. Iran keghi ya ẹdẹ eha khian vbe uwu ato, sokpan iran ma miẹn amẹ.

Ẹksọdọs 17:8

Emwa Amalẹk keghi mu okuo gie ivbi Izrẹl vbe Rẹfidim.

Nọmbas 13:29

Odẹ ekẹn vbe otọ nii ọ re emwa Amalẹk ye, ẹvbo oke vbọ ọ re avbe Hiti Jebus, kevbe Amọri ye, ivbi Kenan keghi rre ọkpẹn okun Meditẹrrenian, iran yin lele Ẹzẹ Jọdan.”

Nọmbas 14:45

Ẹre emwa Amalẹk kevbe emwa Kenan ni rre evba na dekun iran, iran na khọn miẹn iran otọe, iran na khu iran do sẹ Họma.

Jọsua 12:5

Otọ arriọba ẹre keghi sẹ Oke Hẹmọn, Saleka kevbe Basan hia, rhinrin ya sẹ Gẹsiọ kevbe uwu avbe Maka deba obọkpa vbe Giliad rhinrin ya sẹ otọ Saihọn ne ọba Hesbọn.

Jọsua 13:13

Sokpan, ivbi Izrẹl ma khulo emwa Gẹsiọ kevbe Makati ladian. Te iran na ye rre Izrẹl.

Jọsua 13:2

Ena keghi re: otọe Filistin hia kevbe otọe Gẹsiọ hia,

Jọsua 16:10

Sokpan, iran ma khulo ivbi e Kenan, iran ye gu ivbi Ifreim rrọọ do sẹ ẹdẹnẹrẹ na sokpan te a ghi ya ẹtin vbe iwegbe ya iran gha winna zẹ vbe eviẹn.

Giọgis 1:29

Ẹwae Ifreim ma vbe khulo ivbi e Kenan ni rre Gẹza ladian, ẹre ivbi Kenan na gu iran gha yin khian.

I Samuẹl 29:6

Akis keghi tie Devid, ọ na tama rẹn wẹẹ, “I ye Osanobua Izrẹl ne ọ rrọ vẹn ihẹn wẹ u guobọ mwẹ kevbe wẹ ọ gha wa yẹ mwẹ ne u lele mwẹ gha rrie okuo na. I ma he miẹn a baku ru vbe obọ ruẹ ke ẹdẹ ne u bu mwẹ rre gha dee, sokpan, enigie nekpa ma kue ye ẹmwẹ ruẹn.

I Samuẹl 30:1

E Devid kevbe emwa rẹn keghi do sẹ Ziklag vbe iyeke ikpẹdẹ eva. Ivbi Amẹlẹk kegha khọn odẹ ekẹn ọghe Juda, iran na vbe do sẹ Ziklag. Iran keghi wa giẹn ẹvbo nii sẹ otọ.