I Samuẹl 27:11 - Edo Bible (E Baibol Ẹdo) Version 1996

¹¹ E Devid ghi gbele emwa hia ke ikpia kevbe ikhuo, ne a ghẹ miẹn ọmwa ne ọ gha yo ya kha vbe Gat emwi ne irẹn vbe emwa rẹn ru. Erriọ Devid wa gha ru ẹe vbe ẹghẹ ne ọ ya ẹe vbe Filistia hia.

I Samuẹl 27:11 ပူးပေါင်းရင်းမြစ်များ

Itan 12:19

Ohoghe i tọ, sokpan, etẹbitẹ ọ re ẹmwata khin.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Jerimaia 41:4

Ẹdẹ ne ọ lelẹe, vbe ọmwaikọmwa te do rẹn wẹ iran gbe Gedalaia a.

I Samuẹl 22:22

E Devid keghi tama rẹn wẹẹ, “Ugbẹn vbe I wa bẹghe Doeg vbe evba nii ẹdẹrriọ, I wa rẹn wẹ ẹ i mwẹ ọ ma tama e Sọl. Rhunmwuda ọnii nian, mẹ ọ si ẹe ne emwa ruẹn hia na wulo na.

I Samuẹl 27:10

Ọ ni ghi nọ rẹn wẹẹ, “De odẹ ne u na ya hẹ rhu emwa ẹghẹ na yi?” E Devid ghi tama rẹn wẹ odẹ ekẹn ọghe otọe Juda nọ, ra otọe ivbi Jeramel ra otọe ne emwa Ken ye.

I Samuẹl 27:12

Akis keghi mu ẹtin yan Devid, ọ wẹẹ, “Ivbi Izrẹl ne emwa rẹn khu iwu ẹre sẹrriọ wẹ mẹ ọ re ọ ra gha ga ẹdẹdẹmwẹdẹ.”

I Samuẹl 30:2

Iran keghi wa munọ ikhuo ni rrọọ hia oghunmwu. Iran ma gbe ọmwa rhọkpa, sokpan iran keghi viọ ehia kpao gha rrie.