I Samuẹl 27:1 - Edo Bible (E Baibol Ẹdo) Version 1996

¹ E Devid keghi tama egbe ẹre wẹẹ, “E Sọl gha gbe mwẹ uan ẹdẹ ọkpa. Emwi ne ọ ke mẹ sẹ ne I gha ru ọrọre ne I lẹ fua gha rrie Filistia. Ẹghẹ nii, e Sọl ghi hẹwẹ vbe ne ọ na te gualọ mwẹ khian vbe otọe Izrẹl, ẹghẹ nii, I ghi do miẹn uhunmwu.”

I Samuẹl 27:1 ပူးပေါင်းရင်းမြစ်များ

I Ọba 12:26

Ọ keghi gu egbe ẹre zẹ iro wẹẹ, “Vbene emwi ye na, a deghẹ emwa mwẹ yo e Jerusalẹm ya zọ ese vbe evba ghe Nọyaẹnmwa vbe uwu Ọgua Osa iran ghi dọlegbe kie bu e Rehoboam ne ọba gha khian, iran ghi gbe mwẹ uan.”

I Ọba 12:28

Ọ ghi roro ẹe nẹ, ọ keghi do mannọ ẹmila ọwẹe igoru eva, ọ na tama emwa rẹn wẹẹ, “Ọ kpẹre ne uwa kegha yo e Jerusalẹm ya gha ga. Ivbi Izrẹl, wa ghe avbe ẹbọ uwa ne ọ viọ uwa ke otọe Igipt ladian!”

I Ọba 19:3

Ohan keghi mu Elaija ọ na lẹ fua, ọ keghi rhie ọguọmwadia ẹre ba egbe, ọ na lẹ gha rrie Biẹsiẹba vbe Juda. Ọ keghi vbe sẹ ọguọmwadia ẹre rae ye evba.

II Krọnikol 25:17

Amezaia ne ọba e Juda, kevbe iran ni gu ẹe zẹ iro keghi khuan khẹ Izrẹl. Ọ keghi rhunmwuda ọnii gie uhunmwu ne a khama e Jehoas ne Ọba Izrẹl ne ọ re ovbi Jehoahaz kevbe eyẹ Jehu wẹ ne ọ gie iran danmwẹ egbe ghe.

Psalm 116:11

Ya sẹ egbe ẹghẹ ne ohan na gha mu mwẹ, ne I na kha wẹẹ, “A i miẹn ọmwa ne ọ gia mu ẹtin yan.”

Psalm 55:7

Te I gha wa kakabọ tin rrei, ne I ya bọ owa mwẹ ye uwu ato.

Ẹksọdọs 14:12

Ma ma tama ruẹn ẹghẹ nii vbe a te kpao wẹ enian ọ ra sunu? Ma na kha wẹẹ, ‘Hẹko sẹ mwa rae, ma gha re eviẹn ivbi Igipt.’ Ọ gha te fu ima egbe ne ima gha re eviẹn sẹ nii ima do wulo ye ato vbe emwa na.”

Itan 13:12

Idaehọ ọmwa gha rẹnkhẹn uan, orhiọn ghi dọyọ, sokpan, emwi ne a rhie aro yi gha sẹ ọmwa obọ, ẹko ghi gha sẹ ọmwa ọyẹnmwẹ.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Nọmbas 14:3

Vbọzẹ ne Nọyaẹnmwa na viọ ima rrie ẹvbo nii yi? Iran gha gbele ima rua vbe okuo, iran ghi munọ avbe ivbi ima kevbe amwẹ ima oghunmwu viọ gha rrie. Ẹre a wa werriegbe gha rrie Igipt ọre ọ maa sẹ.”

Matiu 14:31

Vbe ọwarọkpa nii, Jesu keghi si ẹre obọ, ọ tama rẹn wẹẹ, “Iyayi ruẹ kanmwa gbe, vbọzẹ ne u na ziro eva?”

Iyẹn ne ọ Maan Ọghe Mak 4:40

Ẹkpo ni ọre Jesu ghi na tama avbe erhuanegbe ẹre wẹẹ, “Vbọzẹ ne uwa na runran vberriọ yi? Wa i ye mwẹ iyayi?”

II Kọrinti 7:5

Uhin vbe ima sẹ Masidonia nẹ, ma ma ye hẹ wẹ, Orueghe gba ehe hia, ẹzọ ne a gu emwa ọvbehe gui, afianma ne ọ fian ọmwa vbe ekhọe.

I Samuẹl 16:1

E Nọyaẹnmwa keghi tama e Samuẹl wẹẹ, “Inu ẹghẹ u ra khiẹ e Sọl la yi? Mẹ rhie ẹre hin ọba Izrẹl rre nẹ. Gualọ ẹvbi ọliv eso rhie mwẹ obọ. I gha gie uẹ gha rrie ọghe Jese ne ọ rre Bẹtlẹhẹm, rhunmwuda, I zẹ ọkpa vbe uwu ivbi ẹre nẹ ne ọ rriọba.”

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”

I Samuẹl 22:5

E Gad ne akhasẹ keghi bu e Devid gha dee, ọ tama rẹn wẹẹ, “Ghẹ ghi di emwa ya, gha rrie otọ e Juda ọwarọkpa.” Ẹre Devid na kpao, ọ na gha rrie ẹgbo Hẹrẹt.

I Samuẹl 23:17

E Jonatan keghi tama rẹn wẹẹ, “Ghe gie ohan mu ẹẹn, e Sọl ne erha mwẹ i ra sẹtin ru uẹ emwirhọkpa, U gha rriọba vbe Izrẹl, mẹ ghi gha re ne ọ zẹ diake uwẹ zẹ vbene erha mwẹ tobọ ẹre wa vbe rẹn ẹsẹse.”

I Samuẹl 25:30

E Nọyaẹnmwa ghẹ ghi ru emwi esi ne ọ yan ma ruẹn na hia nẹ, ọ na vbe ya a rri ọba Izrẹl.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.

I Samuẹl 29:2

Enigie ivbi e Filistin isẹn nii, keghi viọ ivbiyokuo iran nii re arhin iyisẹn yan arriaisẹn (1,100) ladian, e Devid kevbe emwa rẹn keghi gha lele iran odieke dee, deba Akis.

I Samuẹl 29:3

Ọkaokuo ivbi e Filistin keghi kha wẹẹ, “De emwi ne avbe ivbi Hibru na ru vbe emwana yi?” Akis keghi wanniẹn wẹẹ, “E Devid ọna khin, ọkaokuo e Sọl ne ọba Izrẹl nọ, ehe ne I ye ọ re ọ ye ke ẹghẹ ne ọkpẹre gha dee, kevbe ne ọ ya bu mwẹ gha dee, ọ ma he ru emwi ọkpa ne I gha gbe ikhan yi.”