I Samuẹl 26:7 - Edo Bible (E Baibol Ẹdo) Version 1996

⁷ Asọn nii, e Devid kevbe Abisiai keghi la uwu agọ e Sọl, iran ghi do ghe e Sọl gha vbiẹ vbe adesẹ agọ, a so asoro ẹre ye otọ vbe ọkpẹn uhunmwu ẹnrẹn. Abna kevbe avbe ivbiyokuo hia lẹga ẹre, iran vbiẹ ua.

I Samuẹl 26:7 ပူးပေါင်းရင်းမြစ်များ

Gẹnẹsis 45:19

Tama iran ne iran viọ avbe ikẹkẹ okhuae ke Igipt kpao ne iran ya viọ amwẹ iran kevbe ivbi iran negiẹrẹ gha dee. Tama iran ne iran rhie erha iran gha dee.

I Samuẹl 17:20

Ẹdẹ ghi gbe vbe owiẹ ne ọ lele ẹe, e Devid keghi guakpao vbe owiẹ vbirrivbirri, ọ keghi sẹ avbe ohuan rae ne ọmwa ọvbehe, ọ na viọ evbare ọ na gha khian zẹ vbene Jese tama rẹn. Ẹghẹ ne ọ ya sẹ evba kegha re vbe ivbi Izrẹl so ihuan okuo rrie ehe ne iran ghae yi vbe uhunmwu oke.

I Samuẹl 26:6

Ẹre Devid na nọ Ahimẹlẹk ne ovbi ẹvbo Hiti kevbe Abisiai ne ọtẹn Joab wẹẹ (iye iran ọre a tie ẹre Zẹruia), “Gha ọ gha lele mwẹ gha rrie agọ e Sọl vbe uwu uwa yi?” Abisiai keghi wanniẹn wẹẹ, “I gha yo.”

I Samuẹl 26:8

Abisiai keghi tama Devid wẹẹ, “Osanobua rhie eghian ruẹn ye uẹ obọ ẹrẹna, banbanna nian, gun mwẹ ye asoro ọghe ọe hae ginna otọ, uhukpa kẹkan, II i ra vbe fi ẹre re ukpogieva!”