I Samuẹl 26:6 - Edo Bible (E Baibol Ẹdo) Version 1996

⁶ Ẹre Devid na nọ Ahimẹlẹk ne ovbi ẹvbo Hiti kevbe Abisiai ne ọtẹn Joab wẹẹ (iye iran ọre a tie ẹre Zẹruia), “Gha ọ gha lele mwẹ gha rrie agọ e Sọl vbe uwu uwa yi?” Abisiai keghi wanniẹn wẹẹ, “I gha yo.”

I Samuẹl 26:6 ပူးပေါင်းရင်းမြစ်များ

Gẹnẹsis 10:15

Kenan kegha re erha Saidọn ne ovbi ẹre nokpia nọdiọn, Hẹt ọrọre erha odede iran ne a hẹ ẹre eni gie iran.

Gẹnẹsis 15:20

emwa Hiti, Pẹriz, Refeim,

Gẹnẹsis 23:3

Ọ na kpao sẹ ikun amwẹ ọnrẹn rae, ọ na ya tama emwa Hiti wẹẹ,

Gẹnẹsis 26:34

Isọ kegha rre ukpo iyeva vbe ọ rhie Judit ne ovbi e Beeri nokhuo ne ọmwa Hiti. Ọ kevbe rhie Basimat ọmọ okhuo Elọn ne ọmwa Hiti.

II Samuẹl 11:21

Wa ma ghi yerre vbene iran ya gbe Abimẹlẹk ne ovbi e Gidiọn hẹ. Ẹvbo ne a tie ẹre e Tebẹz ẹre okhuo na mu olọ ke uhunmwu ekẹn gbẹe, ọ na gbe ẹe rua. Vbe uwa ghi na ya sikẹ ekẹn sẹrriọ hẹ? Ọba gha nọ ruẹn vberriọ, u ghi tama rẹn wẹẹ ọmwa ne ọ rre asẹ vbe ototọ ruẹ ighẹ Uraia, iran vbe gbe ẹe rua.’ ”

II Samuẹl 11:24

Ẹre iran na ke uhunmwu ekẹn gha filo ifẹnmwẹ gie ima, iran keghi gbele eso vbe avbe ọkaokuo ruẹ Umogun, ọkaokuo ruẹ ighẹ Uraia, iran vbe gbe ẹe rua.”

II Samuẹl 11:6

Ẹre Devid na gie emwa bu e Joab gha khian wẹẹ, “Tie Uraia ne ovbi a Hiti gun mwẹ.” Ẹre e Joab na tie ẹre gie e Devid.

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

II Samuẹl 18:5

Ọ keghi yi iyi ne Joab Abisiai kevbe Itai wẹẹ, “Rhunmwuda mwẹ, wa ghẹ kuan ọmọ nii ighẹ Absalọm?” Ivbiyokuo hia keghi họn vbe Devid yi iyi na ne avbe ọkaokuo hia.

II Samuẹl 2:13

E Joab ne ovbi Zeruaia kevbe emwa ni rre asẹ vbe ototọ e Devid keghi gha khian ya vba iran vbe uhẹnhẹn amẹ ne ọ rre evba, otu ọkpa vbe obọ na ọghe nene amẹ kevbe otu nọkpa vbe obọ nọkpa ọghe nene amẹ.

II Samuẹl 2:18

Ivbi e Zeruaia eha ighẹ Joab, Abisiai kevbe Asahẹl, kegha rre evba. Asahẹl ne a rẹnrẹn wẹ te ọ rhulẹ vbe ẹrhuẹ,

II Samuẹl 23:18

Ọtẹn e Joab ighẹ Abisiai (ne ovbi Zeruaia) kegha re ọkaolotu iran ọgban ni hin usi nii. Ọ keghi ye asoro ẹre gu arhin iyisẹn yan uri (300) gbinna, ọ keghi gbele iran an, ọ keghi do khian ne ọ hin usi vbe uwu avbe iran ọgban nii.

I Ọba 10:29

kevbe avbe ikẹkẹ okuo ne a hẹ ke Igipt rre. Iran ọ re ọ gha viọ ikẹkẹ okuo kevbe ẹsin giẹ avbe ọba e Hiti kevbe Siria. Iran kegha khiẹn ikẹkẹ okuo esiliva uri eha (600) kevbe ẹsin esiliva igbe yan iki-ọkhọe (150).

II Ọba 7:6

E Nọyaẹnmwa keghi gie ivbi e Siria họn emwi ne ọ yevbe ne ivbi iyokuo ni bun khọn dee ke iran kevbe ikẹkẹ okuo kevbe ẹsin, ivbi e Siria keghi te gha ro ighẹ ivbi Izrẹl ya vbu ivbi e Hiti kevbe avbe ọba Igipt kevbe ivbi iyokuo iran ba egbe gha dee do gu iran gbinna.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

I Samuẹl 26:7

Asọn nii, e Devid kevbe Abisiai keghi la uwu agọ e Sọl, iran ghi do ghe e Sọl gha vbiẹ vbe adesẹ agọ, a so asoro ẹre ye otọ vbe ọkpẹn uhunmwu ẹnrẹn. Abna kevbe avbe ivbiyokuo hia lẹga ẹre, iran vbiẹ ua.