I Samuẹl 26:23 - Edo Bible (E Baibol Ẹdo) Version 1996

²³ E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.

I Samuẹl 26:23 ပူးပေါင်းရင်းမြစ်များ

II Samuẹl 22:21

E Nọyaẹnmwa san mwẹ ẹse, rhunmwuda, I ru emwi nọ kere ọ fiangbe mwẹ, rhunmwuda, I ma rria abe.

II Samuẹl 22:25

Rhunmwuda ọnii, ọ san mwẹ ẹse, rhunmwuda emwi nọ kere ọre I ru rhunmwuda rẹn, rẹnrẹn wẹ, I ma rri abe.

I Ọba 8:32

E Nọyaẹnmwa, u ghi họn vbe ẹrinmwi ne u bu ohiẹn eguọmwadia ruẹ. Rri e nọ rria abe oya zẹ vbene ọ ma ẹẹn, ne u vbe zẹ orhue ne nọ ma rukhọ gbe.

Nehimaia 13:14

Osanobua mwẹ, ghẹ mianmian emwi ne I ru ne Ọgua Osa ruẹ na. Kevbe ugamwẹ ọnrẹn.

Job 34:11

Te irẹn san emwa ẹse emwi ne iran ru, ọ ghi vbe gha ru iran emwi ne ọ maa iran.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 24:18

U rhie ma mwẹ ẹdẹ nẹrẹ na vbene ekhọe ruẹ ma ghe mwẹ hẹ, rhunmwuda u ma gbe mwẹ uan vbe Nọyaẹnmwa rhie mwẹ ye uẹ obọ.

I Samuẹl 24:19

Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”

I Samuẹl 26:22

E Devid keghi wanniẹn wẹẹ. “Ghe asoro ruẹ vbe emwa, Umogun, gie ọkpa vbe uwu emwa ruẹn gha dee ne ọ do rhie ẹre.

I Samuẹl 26:9

Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”