I Samuẹl 26:21 - Edo Bible (E Baibol Ẹdo) Version 1996

²¹ E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”

I Samuẹl 26:21 ပူးပေါင်းရင်းမြစ်များ

II Ọba 1:13

Ọba keghi gie ọkaokuo kevbe arhin ekigbesiyeha, ọvbehe gha rrie oke nii, rẹn keghi hin oke nii ọ keghi diguẹ ye Elaija odaro, ọ rinmwian ẹẹn wẹẹ, “Ọmwa Osanobua, tohan mwẹ tohan emwa mwẹ. Gie ima gha rre agbọn.

II Ọba 1:14

Erhẹn ke iso rre do gbe avbe ọkaokuo ne eva kevbe emwa iran; sokpan tohan mwẹ!”

Psalm 116:15

Ọ kakabọ da e Nọyaẹnmwa vbe okpa vbe uwu avbe emwa rẹn a wu!

Psalm 49:8

Rhunmwuda, osa ne a hae ye orhiọn ọmwa nagbọn kpọlọ gbe emwi ne ọ gha sẹtin hae i zẹdẹ sẹ hiehiere.

Psalm 72:14

Ọ miẹn iran fan hin obọ, a zẹ ọmwa kpokpo kevbe ọkpankpan, ighobioye ọ re ẹdagbọn iran khin ne ẹẹn.

Ẹksọdọs 9:27

Ọba keghi gie ne a tie Mosis kevbe Errọn, ọ. wẹẹ, “Banbanna nian, I ru orukhọ nẹ, e Nọyaẹnmwa rri ase, mẹ vbe emwa mwẹ rri abe.

Nọmbas 22:34

E Balam wanniẹn wẹẹ, “I rukhọ nẹ, I ma na rẹn ighẹ te u gba ye odẹ khẹ mwẹ, sokpan banbanna nian, u gha roro ẹe ighẹ ọ ma kei ne I gha khian, I gha dọlegbe gha rrie owa.”

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

I Samuẹl 13:13

E Samuẹl keghi wanniẹn wẹẹ, “Emwi ukọnmwẹ ọ re uwa ru nii. U ma ru vbene Nọyaẹnmwa Osanobua ruẹ tama ruẹn. Akpawẹ te u họn ẹmwẹ ọnrẹn, ọ gha gie uwa vbe uniẹn ruẹn gha khaemwisẹ yan Izrẹl ẹdẹdẹmwẹdẹ.

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.

I Samuẹl 15:30

E Sọl keghi wanniẹn wẹẹ, “I rukhọ nẹ, sokpan, mu uyi yọmwẹ egbe vbe sirra avbe ọkaolotu emwa mwẹ kevbe Izrẹl hia. Lele mwẹ werriegbe ne I miẹn ehe na ya ga e Nọyaẹnmwa ne Osanobua ruẹ.”

I Samuẹl 18:30

Ivbi iyokuo e Filistin ghi gha mu okuo rre, sokpan, ẹghẹ nii hia ọ re a ya miẹn wẹ obọ e Devid ọ re ọ da otọ sẹ ivbi iyokuo e Sọl nekpa hia. Rẹn keghi do dọlegbe gha hin usi yọ.

I Samuẹl 24:17

Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.

I Samuẹl 26:22

E Devid keghi wanniẹn wẹẹ. “Ghe asoro ruẹ vbe emwa, Umogun, gie ọkpa vbe uwu emwa ruẹn gha dee ne ọ do rhie ẹre.

I Samuẹl 26:24

Zẹ vbene I sẹ uẹ rae ẹrẹna, te Nọyaẹnmwa, gha vbe ru imẹ vberriọ, ne ọ fan mwẹ fua hin uwu ọlọghọmwa hia rre.”

I Samuẹl 27:4

E Sọl ghi họn wẹ Devid lẹ gha rrie Gat, ọ na kẹtin vbe ne ọ na te gualọ ẹe.