I Samuẹl 26:18 - Edo Bible (E Baibol Ẹdo) Version 1996

¹⁸ Ọ keghi rhie te ẹe wẹẹ, “Vbọzẹ ne u na ye khu mwẹ khian, mẹ ne ọguọmwadia ruẹ? Vbe i a mobọ ru? De a i ghẹ ru ne I ru?

I Samuẹl 26:18 ပူးပေါင်းရင်းမြစ်များ

Psalm 119:161

Iran ni mwẹ ẹtin gha gunmwẹ khọn vbe ai mwẹ otọ, sokpan, te imẹ lohan uhi ruẹ.

Psalm 35:7

Vbene ẹi na mwẹ otọe, iran khuẹn ifi khẹ mwẹ, iran tọn uye ne ọ dinmwi, ne iran ya mu mwẹ.

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Jerimaia 37:18

Ẹre I na ghi nọ ẹnrẹn wẹẹ, “De aighẹru ne I mobọ ru uwẹ re, ra ekhaẹmwẹ ruẹn, ra avbe emwa na ne u mu mwẹ ye eghan ba?

Iyẹn ne ọ Maan Ọghe Jọn 10:32

Jesu tama iran wẹẹ, “Iwinna esiesi ni bun ne Erha viọ mẹ winna ọre I he sirra uwa winna, de ne uwa ra rhunmwuda ẹre filo okuta gbe mwẹ vbọ?”

Iyẹn ne ọ Maan Ọghe Jọn 18:23

Jesu wanniẹn tama rẹn wẹẹ, “A deghẹ I ta ẹmwẹ dan, tama agbọn ni rre emwa ẹmwẹ ne ọ khin, sokpan a deghẹ ẹmwata ọre I ta ẹe, vbọzẹ ne u na fi mwẹ emwi?”

Iyẹn ne ọ Maan Ọghe Jọn 8:46

Gha ọ lẹ orukhọ ginna mwẹ obọ vbe uwu uwa? Adeghẹ ẹmwata ọre I ta, vbọzẹ ne uwa ma na ya mwẹ yi?

I Samuẹl 17:29

E Devid keghi kha wẹẹ, “Vbe i a ghi ru nian? Ne imẹ ghẹ vbe zẹdẹ nọ ọta hiehie?”

I Samuẹl 20:1

Ẹre Devid na lẹ kpao vbe Naiọt ne Rama rre, ọ na bu e Jonatan gha khian ya tama rẹn wẹẹ, “De emwi ne I ru? De a i ghẹ ru ne I ru? De abakuru ne I ru ghe erha a ne ọ na ho ne ọ gbe mwẹ uan?”

I Samuẹl 24:9

Ọ tama rẹn wẹẹ, “Vbọzẹ ne u na zẹ ye emwa ni tama ruẹn wẹ mẹ ho ne I gbe uẹ ua re?