I Samuẹl 26:16 - Edo Bible (E Baibol Ẹdo) Version 1996

¹⁶ U ma sẹtin winna iwinna ruẹn Abna! I ye eni Nọyaẹnmwa nọ rrọọ vẹn ihẹn wẹ te ọ kere ne uwa hia wulo rhunmwuda, wa ma sẹtin gbearoghe arowa uwa ne Nọyaẹnmwa ma ẹre ọba. Ghe! Asoro ọba vboo? Ọgọ amẹ ne ọ mu ke uhunmwu vboo?”

I Samuẹl 26:16 ပူးပေါင်းရင်းမြစ်များ

II Samuẹl 12:5

Ohu ọmwa nọ fe nii keghi kakabọ mu e Devid, ọ na kha wẹẹ, “I ya Osanobua ne ọ rrọọ vẹn ihẹn wẹ ọmwa ne ọ ru emwi na, te ọ kere ne ọ wu!

II Samuẹl 19:28

Te ọ te khẹke nu u gbele ẹgbẹe erha mwẹ hia, Umogun sokpan, u keghi ye ru mwẹ ẹse wẹ ne I do gha rri evbare vbe eteburu ruẹ. Ọ ma ghi khẹke mwẹ ne I ye vbu emwi vbe obọ ruẹ Umogun.”

I Ọba 2:26

Ẹre Solomọn ne ọba na tama Abiata ne ohẹn wẹẹ, “Gha rrie Anatọt ne ẹvbo ruẹ. Te ọ te kei ne u wu sokpan, mẹ i ra gbe ue ua nian rhunmwuda, wẹ ọre ọ gha gbe aro ghe Ẹkpẹti Ile vbe u rre ehe ne erha mwẹ ye ighẹ Devid wẹ, vbe ghae vbe uwu ọlọghọmwa rẹn hia.”

Psalm 102:20

Ọ họn eve ikhiẹkhiegbe ọghe iran ni rre ẹwẹdọ ọ na fannọ iran ne a bu ohiẹn uwu gbe kua.

Psalm 79:11

Họn utumwẹ obalọ ọghe iran ni rre eghan, ne u vbe ya ẹtin ruẹn nọkhua fannọ iran ne a bu ohiẹn uwu gbe kua.

Ẹfisọs 2:3

Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.

I Samuẹl 20:31

Wẹ ma rẹn wẹ e Devid gha rre agbọn, u i ra rriọba vbe ẹvbo na. Banbanna nian, ya rhie ẹre rre, te ọ gha wu.”

I Samuẹl 24:6

Ọ keghi tama emwa rẹn wẹẹ, “E Nọyaẹnmwa ghẹ gun mwẹ ru arowa mwẹ, ọmwa ne Nọyaẹnmwa ma re ọba, emwi rhọkpa. Ọ ma kei ne I ya obọ kan rẹn, rhunmwuda, ọba ne Nọyaẹnmwa zẹe nọ.”

I Samuẹl 26:11

A wua ne Osanobua wẹ ne imẹ danmwẹ ọẹn ghe ne I ru ọba ne Osanobua maẹn emwi. Gie ima viọ asoro kevbe ọgọ amẹ ọnrẹn ne a kpao.”

I Samuẹl 26:15

E Devid keghi kha wẹẹ, “Okpia u gele khin ra ẹ i re rriọ? Ẹre uwẹ ọ re ọmwa ne ọ ghi kpọlọ sẹ vbe otọ Izrẹl? Vbọ ghi zẹ yi ne u ma na degue arowa a ighẹ ọba? Orhiọnkpa te la uwu agọ ne ọ do gbe arowa a.

I Samuẹl 26:9

Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”