I Samuẹl 26:12 - Edo Bible (E Baibol Ẹdo) Version 1996

¹² Ẹre Devid na mu ọgọ amẹ kevbe asoro ni rre ọkpẹn uhunmwu e Sọl, rẹn kevbe Abisiai keghi kpao. Ọmwa rhọkpa ma bẹghe ẹre ra ne iran rẹn emwi ne ọ sunu, amawẹ ne iran rhiọrre, ehia keghi wa vbiẹ ua, rhunmwuda, e Nọyaẹnmwa fian ovbe nọkhua ku iran.

I Samuẹl 26:12 ပူးပေါင်းရင်းမြစ်များ

Gẹnẹsis 15:12

Ugbẹn vbe owẹn ghi ra defua, ovbe nọkhua keghi rhie Ebram, ohan nọkhua na gha muẹn.

Gẹnẹsis 2:21

Ẹre Nọyaẹnmwa Osanobua na bọ okpia nii ye ovbe nọkhua. Ugbẹn vbe ọ ghi vbiẹ, rẹn keghi rhie ọkpa vbe ifẹnmwaguẹ okpia nii, ọ keghi vbe mama efun egbe ne ọ rre evba kugbe.

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

I Samuẹl 24:4

Iran keghi tama rẹn wẹẹ, “Ẹghẹ ruẹ ọna khin na, e Nọyaẹnmwa tama ruẹn wẹ rẹn gha rhie eghian ruẹn yan ruẹn obọ, u ghi ru ẹre emwi ne ọ rhirhi khọn ruẹn.” E Devid keghi baba gha khian, ọ na ya fian vbe ehọ ukpọn ẹwu e Sọl vbene Sọl ma na rẹn.

I Samuẹl 26:13

Ọ re Devid na fian odẹ rra ghe obọ nọkpa vbe iya ni la uhunmwu oke, ọ keghi khian rrei ẹsẹse.

I Samuẹl 26:7

Asọn nii, e Devid kevbe Abisiai keghi la uwu agọ e Sọl, iran ghi do ghe e Sọl gha vbiẹ vbe adesẹ agọ, a so asoro ẹre ye otọ vbe ọkpẹn uhunmwu ẹnrẹn. Abna kevbe avbe ivbiyokuo hia lẹga ẹre, iran vbiẹ ua.