I Samuẹl 26:10 - Edo Bible (E Baibol Ẹdo) Version 1996

¹⁰ E Devid keghi rhiete ẹe wẹẹ, “I ya Nọyaẹnmwa ne ọ rrọọ vẹn ihẹn wẹ, e Nọyaẹnmwa tobọ ẹre ọ re ọ ra gbe Sọl deghẹ vbe ẹghẹ ọ re a ghi sẹ nẹ nọ, ra vbe okuo.

I Samuẹl 26:10 ပူးပေါင်းရင်းမြစ်များ

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

Job 14:14

Ọmwa gha wu nẹ, ọ gha ye rhiọrre do gha rrọọ ra? Sokpan, mẹ gha diakhẹ ẹghẹ ne ọ maa sẹẹ.

Job 14:5

A ta ẹe ye otọ nẹ vbene ọ gha tọ sẹ hẹ. Inu uki ne ọ gha ya vbe agbọn. U ta ẹe mu olọ yan rẹn nẹ, ẹ i ghi giẹ a fiwerriẹ.

Job 7:1

“Ẹdagbọn ọmwa nagbọn, te ọ ye vbe okuo ne a ya ẹtin mu ọmwa gha rrie.

Psalm 37:10

Vbe ọ ma he kpee wan, a gha ho emwa dan bẹkun. U gha gualọ iran sokpan u i ra miẹn iran.

Psalm 37:13

Sokpan e Nọyaẹnmwa gha giẹ emwa dan rhunmwuda ọ rẹnrẹn ighe a gha fuẹn iran an ban.

Psalm 94:23

Ọ gha rri iran oya ye emwi dan ne iran ru, ọ gha fuẹn iran an ye ẹmwẹ orukhọ iran, e Nọyaẹnmwa, Osanobua mwa gha fuẹn iran an.

Asan-Ibo 3:2

Ọ rhie ẹghẹ yọ ne a ya biẹ ọmwa, ọ rhie ẹghẹ yọ ne a ya wu, ọ rhie ẹghẹ yọ ne a ya kọ, ọ rhie ẹghẹ yọ ne a ya vulo,

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Hibru 10:30

Rhunmwuda ma rẹn ọmwa ne ọ khare wẹ, “I gha rria ikhi, I gha ru iha osa.” Kevbe ne ọ khare wẹ, “Nọyaẹnmwa gha bu ohiẹn emwa rẹn.”

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 24:15

E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”

I Samuẹl 25:26

E Nọyaẹnmwa ọ re ọ ma guẹ rria ikhi ne egbe ruẹ ne u gbele avbe eghian ruẹn. Banbanna nian, mẹ ya eni e Nọyaẹnmwa ne ọ rrọ vẹn ihẹn ma ruẹn wẹ, eghian ruẹn hia kevbe emwa ni te gualọ odẹ ne iran gha la ruẹ re, vbene a ra rri e Nabal oya ọ re a ra vbe rri iran oya.

I Samuẹl 25:38

ọ ghi te gha vbe ikpẹdẹ igbe, e Nọyaẹnmwa keghi fi e Nabal emwi, ọ na wu.

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.

I Samuẹl 31:6

Ẹre Sọl, ivbi ẹre eheha kevbe igbama nii, na wulo ẹdẹ nẹdẹrriọ.