I Samuẹl 25:8 - Edo Bible (E Baibol Ẹdo) Version 1996

⁸ Nọ iran, iran gha tama ruẹn. E Devid wẹ ne u rhan obọ itohan miẹn emwa irẹn rhunmwuda ma gha rrie edinran vbe ẹdẹ eghọ. Rhunmwuda ọnii, viọ emwi ne obọ ruẹ gbare ne ima ne eguọmwadia ruẹ; kevbe Devid ne ọ siọ ne ọ ghaan.”

I Samuẹl 25:8 ပူးပေါင်းရင်းမြစ်များ

Ẹsta 9:19

Ọnii ọ sii ẹe ne avbe Ju ni re ivbi ẹvbo ne a giere na na ya ikpẹdẹ ne ogiwenẹ ọghe uki Ada hẹwẹ, iran ghi vbe gha ghọghọ ẹdẹ ne a ya re kevbe ne a ya da, kevbe ne a ya ye evbare zẹ ọhẹ gie egbe.

Ẹsta 9:22

Ọna kegha re ẹdẹ ne avbe Ju fuẹn avbe eghian iran vbene iran na rhie iran obọ hin ẹkun rre, ọna kegha re uki ne a fiwerriẹ ke vbe ọghe akhiẹ kevbe iro han ọmwa rre khian ọghe oghọghọ kevbe ọyẹnmwẹ. A keghi tama iran wẹ ne iran gha ya evbare ne a re ya ghọ egbe ye ẹdẹ ne ẹdẹrriọ rre, deba evbare ne a le fian gie egbe kevbe ne a tie emwa ọvbehe sẹ owa yi, a ghi vbe gha rhie ne avbe ivbiogue.

Asan-Ibo 11:2

Rhie igho ye emwi atẹ vbe ihe ughughan nibun, rhunmwuda, u ma rẹn egbe emwi ne ọ ma dunna ne a ghae khẹ ruẹ vbe agbọn na.

Iyẹn ne ọ Maan Ọghe Luk 11:41

Wa viọ emwi ni rre uwu ọkpan kevbe ukpu ne uwa mwẹ ne ivbiogue, erriọ ọ gha na huan ne uwa.

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 25:9

Emwa e Devid keghi ya ta uhunmwu na ma Nabal zẹ vbene Devid gie. Iran na mudia vbe evba.

I Samuẹl 3:6

E Nọyaẹnmwa keghi vbe dọlegbe tie Samuẹl, ọmọ nii kevbe kpaegbe, ọ keghi bu Elai gha khian ya tama rẹn wẹ “Ẹ i re te u tie mwẹ, ghe mwẹ.” Sokpan Elai wanniẹn wẹẹ, “I ma tie ruẹ, ovbi mwẹ gha khian ya lovbiẹ.” (E Samuẹl ma he rẹn e Nọyaẹnmwa rhunmwuda e Nọyaẹnmwa ma he ka guẹe guan ẹdẹ.)