I Samuẹl 25:42 - Edo Bible (E Baibol Ẹdo) Version 1996

⁴² Ọ keghi zẹgiẹgiẹ kpaegbe, ọ na hin ekẹtẹkẹtẹ ọre. Eguọmwadia ẹre ne ikhuo isẹn keghi lele ẹe, ọ kevbe lele eguọmwadia e Devid gha khian, ọ na ya gha re amwẹ ọnrẹn.

I Samuẹl 25:42 ပူးပေါင်းရင်းမြစ်များ

II Samuẹl 2:2

Ẹre Devid na viọ amwẹ ọnrẹn eva, Ahinoam ne ovbi e Jezrẹl, kevbe Abigẹl, ne ọ de ẹgbẹe vbe obọ Nabal ne ovbi Kamẹl, ba egbe, ọ na gha die Hibrọn.

II Samuẹl 3:2

Emọ ehan ne Devid biẹlẹe vbe Hibrọn ọ re ena khin zẹ vbene a ya biẹlẹ iran lele egbe. Ne ọdiọn kegha re Amnọn ne a tie iye ẹe Ahinoam ne ovbi e Jezrẹl;

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

I Samuẹl 27:3

E Devid kevbe emwa rẹn keghi gbe ẹkun sẹ otọ vbe Gat iran kevbe ẹgbẹe iran. Amwẹ e Devid eva ighẹ Abinoam ne Jezrẹl kevbe Abigẹl ne amwẹ Nabal, ne ọ ke Kamẹl rre.

I Samuẹl 30:5

Amwẹ e Devid eveva, Ahinoam kevbe Abigẹl, iran viọ kpao.