I Samuẹl 25:40 - Edo Bible (E Baibol Ẹdo) Version 1996

⁴⁰ Eguọmwadia keghi bu ẹre gha rrie Kamẹl, iran keghi tama rẹn wẹẹ, “E Devid ọ re ọ gie ima gha dee wẹ ne ima rhie ruẹ rre ne u do gha re amwẹ irẹn.”

I Samuẹl 25:40 ပူးပေါင်းရင်းမြစ်များ

Gẹnẹsis 24:51

Ghe Ribẹka ne u rhie gha khian, giẹe gha re amwẹ ovbi arowa a zẹ vbene Nọyaẹnmwa tobọ ẹre tae.”

Itan 11:16

Emwa hia ọ re ọ yọghọ ne okhuo ne ọ rẹn enegbe, sokpan, efaa ọ re okhuo ne ẹ i mwẹ uyimwẹ khin. Okpia ne ọ mitan i sẹtin gha mwẹ igho, sokpan okpia ne obọ ẹre tọn gha fe.

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.

I Samuẹl 25:41

Abigẹl keghi vbokho uhunmwu rri otọ, ọ wẹẹ, “Ọguọmwadia ẹre, ne ọ mu egbe ne ọ kpe avbe eguọmwadia ẹre owẹ, ọ re imẹ khin.”