I Samuẹl 25:36 - Edo Bible (E Baibol Ẹdo) Version 1996

³⁶ Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.

I Samuẹl 25:36 ပူးပေါင်းရင်းမြစ်များ

II Samuẹl 13:23

A ghi tie ẹre ukpo eha ghi nọ, Absalọm kegha gbe eto ohuan rẹn vbe Baal Hazọ vbe ọkpẹn Ifreim, ọ keghi tie ivbi ọba hia gha di evba.

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

II Samuẹl 3:20

Abna keghi viọ arhin ugie ba egbe bu e Devid gha die Hibrọn. E Devid keghi le evbare ya mu ọghọ ye iran egbe.

I Ọba 20:16

Ẹghẹ ogiavan ọre igbinna ya suẹn vbe Benhadad kevbe iran eva yan ọgban ni deba ẹre da ayọn gbe egbe vbe agọ ukpọn iran.

Psalm 112:5

Afiangbe ọrọre ọghe ne ọ zẹ emwi obọ vbekpa igho ne a rhie ne emwa mọmọ, ne ọ vbe ye ai ru ero do ẹki ẹre.

Itan 20:1

U gha da ayọn gbe u ghi gha vannọ ọghe ọzuọ. Ukọnmwẹ wa nọ ne ọmwa da ayọn gbe egbe.

Asan-Ibo 10:19

Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.

Aizaia 28:3

Uhiomwẹ avbe ọkaolotu ni ne ayọn gbe, a gha ya owẹ rri ẹe ginna otọ.

Aizaia 5:11

Ọghe uwa fo nẹ! Wa ghi wa rhiọrre vbe owiẹ vbirrivbirri ya suẹn ayọn ne a da, wa ghi ya ota hia gha re emwa ne ayọn gbe.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Hozia 4:11

E Nọyaẹnmwa khare wẹẹ, “Ayọn ne ọ wegbe kevbe ne ọ khuẹrhẹ ya emwa khian akpa nẹ.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Iyẹn ne ọ Maan Ọghe Luk 14:12

Jesu keghi tama ne ọ yan owa wẹẹ, “U gha le evbare tie emwa sẹ owa, ghẹ gha tie avbe etuẹn ne ikpia ra ẹgbẹe ruẹ ra emwa ẹdogbo ruẹ ni fe, rhunmwuda iran gha vbe tie ruẹ sẹ owa. iran ghi ha osa emwi ne u ru nuẹn.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

I Samuẹl 25:19

Ọ na tama avbe eguọmwadia wẹẹ, “Wa khianmwu, I lele uwa dee vbe odieke.” Sokpan ọ ma ta ẹmwẹ rhọkpa ma ọdafẹn ọnrẹn.

I Samuẹl 25:37

Aro ghi gbannọẹn nẹ, ọ keghi na iyẹn emwi hia ma rẹn. Egbe keghi ku ẹre ohiọnhiọn, arọ na wa kinmwi ẹẹn,