I Samuẹl 25:33 - Edo Bible (E Baibol Ẹdo) Version 1996

³³ Kpọnmwẹ Osanobua ye ẹwaẹn esi ruẹ kevbe emwi ne u ru ẹrẹna ne u ma na gun mwẹ ru a i ghẹru de izigha kevbe ne u ma na gun mwẹ rria ikhi egbe mwẹ.

I Samuẹl 25:33 ပူးပေါင်းရင်းမြစ်များ

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Ẹksọdọs 22:2

Te ọ gha ha osa ẹre. A deghẹ ẹ i mwẹ emwi rhọkpa, a ghi mu irẹn khiẹn ne a ya ha osa emwi ne ọ do viọ. Emwi ne ọ do mu nii, a gha miẹn ọẹn vbe obọ ẹre vbe ọ ma he wu, ọre ẹmila nọ ra ekẹtẹkẹtẹ ra ohuan, ọ ghi ha ukhukhu eva. “A deghẹ obọ vba oyi vbe ọ wa gbe ẹkhu la owa vbe asọn a na gbe ẹe rua, ọmwa ne ọ gbe ẹe rua nii ma de izigha. Sokpan a deghẹ avan nọ, te ọ de izigha.

Itan 13:14

Emwi ne ọmẹwaẹn ma ọmwa re, uhunmwu uwa ne a rrọọ ke rre nọ, iran gha ru iyobọ ne uẹn ne u ya lẹfe vbe u a gha rre uwu ẹbe uwu.

Itan 17:10

Ẹwaẹn ne umẹwaẹn miẹn ruẹ vbe a gha gu ẹe gui uhukpa, bun sẹẹ ne ọzuọ miẹn ruẹ vbe a gha gbe ẹe igba iyisẹn.

Itan 25:12

Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.

Itan 27:21

Erhẹn ọ re ọ danmwẹ igoru kevbe esiliva ghe, uyinmwẹ ọmwa nagbọn vbe gie a danmwẹ ghe.

Itan 28:23

Gu ọmwa gui dia ẹre ye odẹ, vbe okiekie, ọ gha do yẹ ọ re sẹ aranmwẹ ne ọ kpe ọmwa ye ewọwọ.

Itan 9:9

Emwi ne u a rhirhi tama umẹwaẹn, te ọ yae wan yọ. Emwi ne u a rhirhi tama ọmwa esi, te ọ rhie ba ẹre irẹnmwi.

I Samuẹl 24:19

Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!

I Samuẹl 25:26

E Nọyaẹnmwa ọ re ọ ma guẹ rria ikhi ne egbe ruẹ ne u gbele avbe eghian ruẹn. Banbanna nian, mẹ ya eni e Nọyaẹnmwa ne ọ rrọ vẹn ihẹn ma ruẹn wẹ, eghian ruẹn hia kevbe emwa ni te gualọ odẹ ne iran gha la ruẹ re, vbene a ra rri e Nabal oya ọ re a ra vbe rri iran oya.

I Samuẹl 25:31

U i ra gha gbe I ma rẹn ra ne ẹko gha balọ ọ, adazẹ, rhunmwuda ighẹ u gbe ọmwa ran vbe ne ẹ i na mwẹ otọ ra u rria ikhi ne egbe ruẹ. E Nọyaẹnmwa ghẹ ghi fiangbe uẹ nẹ, adazẹ, ghẹ mianmian mwẹ.”