I Samuẹl 25:32 - Edo Bible (E Baibol Ẹdo) Version 1996

³² E Devid keghi wanniẹn tama rẹn wẹẹ, “Rhie urhomwẹ ne Nọyaẹnmwa ne Osanobua Izrẹl ne ọ gie uẹ bu mwẹ gha dee ẹrẹna!

I Samuẹl 25:32 ပူးပေါင်းရင်းမြစ်များ

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

I Ọba 1:48

Ọ keghi kha wẹẹ, ‘Wa gie ima rho e Nọyaẹnmwa ne Osanobua Izrẹl, ne ọ gie ọkpa vbe uwu ivbi mwẹ rhie ihe mwẹ vbe ẹkete ẹdẹnẹrẹ na, ọ keghi vbe gun mwẹ tọ ne aro mwẹ sẹ ọe.’ ”

I Ọba 8:15

Ọ keghi kha wẹẹ, “Wa rho e Nọyaẹnmwa Osanobua Izrẹl! Ọ mu eyan ne ọ yan ma e Devid ne erha mwẹ sẹ, ẹkpo ne ọ na tama rẹn wẹẹ,

Ẹzra 7:27

Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.

Psalm 106:48

Wa rho e Nọyaẹnmwa ne Osanobua Izrẹl, wa rho ẹre nian kevbe ẹdẹdẹmwẹdẹ! Wa gie emwa hia kha wẹẹ, “Ise!” Wa rho e Nọyaẹnmwa.

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

Psalm 72:18

Wa rho e Nọyaẹnmwa ne Osanobua Izrẹl! Rẹn ọkpa kẹkan, ọ re ọ ru avbe emwi ọyunnuan na hia.

Ẹksọdọs 18:10

Ọ keghi kha wẹẹ, “Rho e Nọyaẹnmwa ne ọ miẹn ruẹn fan vbe obọ ivbi Igipt kevbe ọba Igipt. Rho e Nọyaẹnmwa ne ọ miẹn emwa rẹn fan vbe ne iran na te re eviẹn rre.

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

II Kọrinti 8:16

Ma mobọ kpọnmwẹ Osanobua, ne ọ na ru ẹe wẹ vbene ọ bọbọ ima egbe ne a gha ye uwa obọ, erriọ ọre ọ vbe bọbọ Taitọs egbe.

Jọsua 22:33

Iyẹn ne iran naẹn keghi yẹ ivbi Izrẹl. Iran keghi rho Osanobua vbe uyi, iran ma ghi dọlegbe guan kan ẹmwẹ ne a mu okuo gha rrie otọ emwa Riubẹn kevbe Gad ne a ya fuẹn ọnrẹn ruan.