I Samuẹl 25:31 - Edo Bible (E Baibol Ẹdo) Version 1996

³¹ U i ra gha gbe I ma rẹn ra ne ẹko gha balọ ọ, adazẹ, rhunmwuda ighẹ u gbe ọmwa ran vbe ne ẹ i na mwẹ otọ ra u rria ikhi ne egbe ruẹ. E Nọyaẹnmwa ghẹ ghi fiangbe uẹ nẹ, adazẹ, ghẹ mianmian mwẹ.”

I Samuẹl 25:31 ပူးပေါင်းရင်းမြစ်များ

Gẹnẹsis 40:14

Sokpan emwi hia gha ma nuẹn nẹ, u ghi ye mwẹ rre o, u ghi vbe ru ọmwa esi sẹrriọ ne u te ẹmwẹ mwẹ ma e Fero, ne a mu mwẹ hin uwu eghan na rre.

II Samuẹl 22:48

Ọ rhie akhọnmiotọ mẹ vbe uhunmwu eghian mwẹ, ọ hie emwa ni uhunmwu rre vbe ototọ mwẹ.

Psalm 94:1

Nọyaẹnmwa, Osanobua ne ọ rri ọmwa oya ye ọkhọ ọ re uwẹ khin; rhie izohu ruẹ maa!

Iyẹn ne ọ Maan Ọghe Luk 23:42

Rẹn keghi khama Jesu wẹẹ, “Jesu, ẹghẹ ne u gha na rre zẹ vbe Ọba, u ghi ye mwẹ rre.”

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”

Ebe ne Pọl gbẹẹn gie emwa Rom 14:21

Emwi ne ọ kere ne a gha ru ọrọre ne a ghẹ rri emiowo ra ne a da ayọn, ra ne a ru emwi ke emwi ne ọ gha mu ọtuẹn gbe otọ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

I Samuẹl 24:15

E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”

I Samuẹl 25:30

E Nọyaẹnmwa ghẹ ghi ru emwi esi ne ọ yan ma ruẹn na hia nẹ, ọ na vbe ya a rri ọba Izrẹl.

I Samuẹl 25:33

Kpọnmwẹ Osanobua ye ẹwaẹn esi ruẹ kevbe emwi ne u ru ẹrẹna ne u ma na gun mwẹ ru a i ghẹru de izigha kevbe ne u ma na gun mwẹ rria ikhi egbe mwẹ.

I Samuẹl 25:40

Eguọmwadia keghi bu ẹre gha rrie Kamẹl, iran keghi tama rẹn wẹẹ, “E Devid ọ re ọ gie ima gha dee wẹ ne ima rhie ruẹ rre ne u do gha re amwẹ irẹn.”

I Samuẹl 26:23

E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.