I Samuẹl 25:28 - Edo Bible (E Baibol Ẹdo) Version 1996

²⁸ Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 25:28 ပူးပေါင်းရင်းမြစ်များ

II Samuẹl 5:2

Ẹghẹ ne ọ gberra, vbe Sọl he re ọba ima, wẹ ọ re ọ gha viọ ivbi Izrẹl yo okuo, e Nọyaẹnmwa keghi vbe tama ruẹn wẹẹ, ‘U gha su emwa mwẹ, u ghi vbe gha re ne ọ khaemwisẹ yan iran.’ ”

II Samuẹl 7:16

U gha mwẹ uniẹn ruẹn khian rhinrin. I ghi vbe gie arriọba ruẹ gha rrọọ rhinrin ẹdẹ. Akhaemwisẹ arriọba ruẹ ẹ i ra fo ẹdẹ.’ ”

II Samuẹl 7:27

Nọyaẹnmwa ne Oghodua, Osanobua ivbi Izrẹl, rhunmwuda ne uwẹ na rhie emwi na ma ime ne ọguọmwadia ruẹ, vbene u na tama mwẹ wẹẹ, u gha ya uniẹn mwẹ rriọba ọ re ọzẹe ne ohan na gunmwẹ na erhunmwu vbenian ghe ruẹ.

I Ọba 15:3

Egbe orukhọ ne erha ẹe ru ọre irẹn vbe gha ru, ọ ma vbe mobọ rhie egbe lele Nọyaẹnmwa ne Osanobua ẹre zẹ vbene Devid ne erha ẹe nọkhua ru.

I Ọba 15:5

E Nọyaẹnmwa ru emwi na rhunmwuda e Devid ru emwi ne ọ yẹ ọre, ọ ma vbe rra iyi ẹre rhọkpa gberra ẹmwẹ Uraia ne ovbi ẹvbo Hiti.

I Ọba 9:5

I gha mu eyan nii sẹ, ne I ru ma e Devid ne erhaa vbe I tama rẹn wẹ uniẹn ivbi ẹre ọre ọ gha rriọba vbe Izrẹl ẹdẹ.

I Krọnikol 17:25

I mwẹ udinmwẹ ne I na erhunmwu na ghe ruẹ, Osanobua mwẹ rhunmwuda, u rhie avbe emwi na hia ma mwẹ, mẹ ne ọguọmwadia ruẹ, u kevbe tama mwẹ wẹ u gha ye avbe ivbi uniẹn mwẹ ma ọba.

II Krọnikol 20:15

E Jahaziẹl keghi kha wẹẹ, “Umogun, ke uwa hia fẹẹrẹ ne ivbi e Juda kevbe Jerusalẹm, e Nọyaẹnmwa wẹ ne uwa ghẹ gie afianma fian uwa ra ne ẹtin fo uwa ne uwa ya gu ivbiyokuo ni bun na gbinna, ohọ Osanobua ọ re ẹmwẹ okuọ na ye ighẹ ẹ i re obọ uwa.

Psalm 7:3

E Nọyaẹnmwa Osanobua mwẹ, adeghẹ I fidọn ghe ọmwaikọmwa. I gha ya ọse mwẹ ne a vbokho ra ne I ye oghodan san ọmwa ẹse, adeghẹ I ru ọkpa vbe uwu avbe emwi na hia

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Nọmbas 23:21

I miẹn ọẹn nẹ wẹ ẹbe ra ọkhọ ẹ i rre ivbi Izrẹl ẹdẹ na khuẹ, e Nọyaẹnmwa ne Osanobua iran rrọ ne iran.

Matiu 5:16

Erriọ nọ zẹẹ, wa gie ukpa rua gha ba ẹse vbe odaro agbọn, ne iran miẹn ehe na lekpa uyinmwẹ esi ne uwa yin gha rho erha uwa ne ọ rre ẹrinmwi vbe uyi.

Iyẹn ne ọ Maan Ọghe Luk 23:41

Ọ ghe ima wa kei rhunmwuda emwi ne ọ kei ne emwi ne ima ru ọre iran rhie ne ima, sokpan rẹn ma ru emwi rhọkpa khọọ.”

Iyẹn ne ọ Maan Ọghe Luk 23:47

Ọkaokuo ghi miẹn emwi ne ọ sunu, ọ rho Osanobua vbe uyi wẹẹ, “Vbe ẹmwata ọmwa esiesi te nọ.”

I Samuẹl 15:28

E Samuẹl keghi tama rẹn wẹẹ, “E Nọyaẹnmwa yanghan arriọba Izrẹl hin ruẹn obọ rre ẹrẹna, ọ keghi mu ne ọmwa ọvbehe ne ọ maa sẹ ruẹ.

I Samuẹl 17:47

Emwa ni rre emwa hia ghi rẹn wẹ, ọ gha miẹn emwa rẹn fan, ẹ i vbe miẹn umozo kevbe asoro nẹ ọ ke ru ẹe. Rẹn ọ re ọ khọn miotọ vbe okuo, te ọ ra viọ uwa hia ye ẹtin ima obọ.”

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 2:35

“I gha zẹ ohẹn ne ọ guobọ mwẹ, ọ ghi vbe gha ru emwi hia ne I ho ne ọ ru. I gha viọ emọ ne ẹẹn, iran ni gha ga vbe odaro avbe ọba ne I hannọ zẹ.

I Samuẹl 22:14

Ahimẹlẹk keghi wanniẹn wẹẹ, “E Devid ọ re ne ọ guobọ ruẹ sẹ vbe avbe emwa ruẹn hia! Orruan an nọ, rẹn ọ vbe re ọkaolotu emwa ne u ya khẹ egbe, emwa ni rre ẹguae ruẹ hia wa vbe ya ọghọ ne ẹẹn ẹsẹse.

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 24:17

Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.

I Samuẹl 24:21

Ye eni Nọyaẹnmwa yan ma mwẹ wẹ u gha sẹ ivbi mwẹ rae ye agbọn ne a ghe miẹn wẹ eni mwẹ kevbe eni ẹgbẹe mwẹ wa gbe ẹro.”

I Samuẹl 24:4

Iran keghi tama rẹn wẹẹ, “Ẹghẹ ruẹ ọna khin na, e Nọyaẹnmwa tama ruẹn wẹ rẹn gha rhie eghian ruẹn yan ruẹn obọ, u ghi ru ẹre emwi ne ọ rhirhi khọn ruẹn.” E Devid keghi baba gha khian, ọ na ya fian vbe ehọ ukpọn ẹwu e Sọl vbene Sọl ma na rẹn.

I Samuẹl 25:24

vbe akharha e Devid, ọ keghi tama rẹn wẹẹ, “Lahọ danmwehọ mwẹ adazẹ, kha ighẹ mẹ ọ re ọ ru ehia.

I Samuẹl 29:3

Ọkaokuo ivbi e Filistin keghi kha wẹẹ, “De emwi ne avbe ivbi Hibru na ru vbe emwana yi?” Akis keghi wanniẹn wẹẹ, “E Devid ọna khin, ọkaokuo e Sọl ne ọba Izrẹl nọ, ehe ne I ye ọ re ọ ye ke ẹghẹ ne ọkpẹre gha dee, kevbe ne ọ ya bu mwẹ gha dee, ọ ma he ru emwi ọkpa ne I gha gbe ikhan yi.”

I Samuẹl 30:26

E Devid ghi dọlegbe sẹ Ziklag, ọ keghi viọ eso vbe emwi ne obọ ẹre vbare gie avbe esiọre, iran ne avbe ọkaolotu e Juda, ọ wẹẹ, “Wa ghe emwi ne I ya ha oko gie uwa vbe uwu avbe emwi ne ima gbe avbe eghian Nọyaẹnmwa miẹn iran re.”