I Samuẹl 25:26 - Edo Bible (E Baibol Ẹdo) Version 1996

²⁶ E Nọyaẹnmwa ọ re ọ ma guẹ rria ikhi ne egbe ruẹ ne u gbele avbe eghian ruẹn. Banbanna nian, mẹ ya eni e Nọyaẹnmwa ne ọ rrọ vẹn ihẹn ma ruẹn wẹ, eghian ruẹn hia kevbe emwa ni te gualọ odẹ ne iran gha la ruẹ re, vbene a ra rri e Nabal oya ọ re a ra vbe rri iran oya.

I Samuẹl 25:26 ပူးပေါင်းရင်းမြစ်များ

Gẹnẹsis 20:6

Osanobua keghi wanniẹn vbe nene imina wẹẹ, “Ẹn, I rẹnrẹn wẹ ẹko ata u ya ru emwi na, rhunmwuda ọnii ọre I ma na guẹ rukhọ ghe mwẹ, vbene I ma na guẹ yobọ kan rẹn.

II Samuẹl 18:32

Ọba keghi kha wẹẹ, “Adeghẹ ọ ye ọvbokhan nii ighẹ Absalọm ẹse.” Ọviẹn nii keghi wanniẹn wẹẹ, “Emwi ne ọ rruan rẹn ọ re ọ gha rruan avbe eghian ruẹn hia kevbe iran ni sọtẹ ghe ruẹ.”

II Ọba 2:2

A ghi sẹ odẹ, Elaija keghi tama Elaisia wẹẹ, “Mudia vbe emwa na; e Nọyaẹnmwa wẹ ne I gha rrie Bẹtẹl.” Sokpan, Elaisia wanniẹn wẹẹ, “I ya ekhọe ne I ya yin uyinmwẹ ẹmwata ghe Nọyaẹnmwa ne ọ rrọọ kevbe uwẹ vẹn ihẹn wẹ mẹ i ra sẹ uẹ rae.” Ẹre Iran na gha rrie Bẹtẹl.

II Ọba 4:6

Iran ghi ruẹn avbe uru nii hia vuọn nẹ, ọ keghi nọ iran a deghẹ ọ ye de kẹrre. Ọkpa vbe ivbi ẹre keghi tama rẹn wẹẹ, “Ne okiekie ne ọ rrọọ ọre onii khin.” Ofigbọn ni keghi wa dobọ ulẹmwẹ yi.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Itan 31:12

Vbe ẹghẹ hia ne iran gba ya rre agbọn, ọ maa ọ re ọ ho ye ọre egbe, ẹ i vbe ho emwi ikuanegbe ghe ẹre.

Jerimaia 29:22

Emwa ne a viọ ẹre oghunmwu kpao vbe Jerusalẹm gha rrie Babilọn gha ra tie ihẹn ne ọmwa, iran ghi kha wẹẹ, ‘Te Nọyaẹnmwa gha ru uẹ vbene ọ ru e Zedekaia kevbe Ehab, ne ọba e Babilọn tọẹn vbe erhẹn ke iran kevbe ẹmwẹ ne unu!

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Hibru 10:30

Rhunmwuda ma rẹn ọmwa ne ọ khare wẹ, “I gha rria ikhi, I gha ru iha osa.” Kevbe ne ọ khare wẹ, “Nọyaẹnmwa gha bu ohiẹn emwa rẹn.”

I Samuẹl 1:26

E Hanna keghi tama rẹn wẹẹ, “Dọmọ o, u ye yi mwẹ ẹro nian? Mẹ ọrọre okhuo nii ne u miẹn vbe ọ mudia vbe emwana gha na erhunmwu ghe Nọyaẹnmwa.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.

I Samuẹl 20:16

te ile ne ima ta ma egbe na, gha ye gha re ne ọ ya mu gbain. A deghẹ u ghi rra ẹre, te Nọyaẹnmwa gha rria ruẹ ikhi.”

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”

I Samuẹl 22:3

E Devid keghi ke evba kpao gha rrie Mizpa ne Moab, ọ keghi tama ọba e Moab wẹẹ, “Lahọ gie erha mwẹ kevbe iye mwẹ do tota ke uẹ I te do rẹn emwi ne Osanobua khian ru mẹ.”

I Samuẹl 25:25

Lahọ ghẹ zẹ ye Nabal re ighẹ ẹwobi ọmwa nii. Emwi ne a ya eni ẹnrẹn kha ọre gele wa nọ — akpa! I ma miẹn emwa ne u gie rre adazẹ.

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.

I Samuẹl 26:10

E Devid keghi rhiete ẹe wẹẹ, “I ya Nọyaẹnmwa ne ọ rrọọ vẹn ihẹn wẹ, e Nọyaẹnmwa tobọ ẹre ọ re ọ ra gbe Sọl deghẹ vbe ẹghẹ ọ re a ghi sẹ nẹ nọ, ra vbe okuo.