I Samuẹl 25:23 - Edo Bible (E Baibol Ẹdo) Version 1996

²³ Abigẹl ghi dẹghe e Devid, ọ keghi zẹgiẹ tuorre, ọ na mu ẹko rhuotọ

I Samuẹl 25:23 ပူးပေါင်းရင်းမြစ်များ

II Samuẹl 1:2

Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Samuẹl 14:4

Okhuo nii keghi bu ọba gha khian, ọ vbokho egbe rriotọ vbe ọghọ ọ keghi kha wẹẹ, “Yọ mwẹ obọ, Umogun!”

II Samuẹl 18:28

Ahimaz keghi da tuẹ ọba, ọ na mu ẹko rhu otọ vbe odaro ẹre, ọ na kha wẹẹ, “Rhie urhomwẹ ne Nọyaẹnmwa Osanobua ruẹ, ọmwa ne ọ gie obọ ruẹ ke ukhunmwu ne emwa ni sọtẹ ghe ruẹ, Umogun!”

II Samuẹl 9:6

E Mẹfibosiẹt ne ovbi e Jonatan kevbe eyẹ e Sọl ghi rre, ọ keghi ya ọghọ ghughẹ rre vbe odaro e Devid. E Devid keghi kha wẹẹ, “Mẹfibosiẹt!” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

I Krọnikol 21:21

Ọwarọkpa vbe Arauna ghi wa bẹghe vbe Devid ne Ọba dee, ọ keghi kpa vbe ehe ne ọ na khuọn ọka, ọ keghi vbokho egbe ẹre rre sẹ otọ vbene ugbaro ẹre na dekan otọ.

Jọsua 15:18

Vbe ẹdẹ irhiọha, ọ keghi ya tua Otniẹl ne ọ nọ erhae wẹ ne ọ mu otọ ne irẹn. Rẹn keghi bu e Kelẹb gha khian, rẹn ghi tuorre vbe ekẹtẹkẹtẹ ọre, e Kelẹb keghi nọ rẹn emwi ne ọ ho.

Giọgis 1:14

Vbe ẹdẹ irhiọha, Otniẹl keghi ya tua ẹre wẹ ne ọ nọ erha ẹe wẹ ne ọ mu otọe eso ne ẹẹn. Rẹn keghi rhunmwuda onii bu Kelẹb gha khian, ọ ghi tuorre vbe ekẹtẹkẹtẹ, ọ keghi nọ ẹnrẹn emwi ne ọ gualọ.

Ebe Rut 2:10

E Rut keghi vbokho egbe rriotọ ya uharo kan otọ, ọ keghi tama Boaz Wẹẹ, “Vbe ua na dẹghe mwẹ ya tohan mwẹ vberriọ hẹ, egbe ne I ya re ọrriọvbe?”

I Samuẹl 20:41

Ọvbokhan okpia nii ghi kpao nẹ, e Devid keghi ladian vbe iyeke utete avbe okuta nii, ọ keghi lovbiẹ ye otọ lọlọọlọ, ọ na vbokho uhunmwu rriotọ igba eha. Rẹn kevbe Jonatan kegha viẹ vbe iran mu egbe unu hiẹnhiẹn, ẹko e Devid ọ re ọ rhia sẹ Ọghe Jonatan.

I Samuẹl 24:8

Ẹre Devid na lele ẹe, ọ na da tie ẹre wẹẹ, “U gha tọ u kpẹre Umogun!” E Sọl keghi fi egbe werriẹ, e Devid keghi vbokho uhunmwu rre tue ọre otuẹ ọghọ.

I Samuẹl 25:24

vbe akharha e Devid, ọ keghi tama rẹn wẹẹ, “Lahọ danmwehọ mwẹ adazẹ, kha ighẹ mẹ ọ re ọ ru ehia.

I Samuẹl 25:41

Abigẹl keghi vbokho uhunmwu rri otọ, ọ wẹẹ, “Ọguọmwadia ẹre, ne ọ mu egbe ne ọ kpe avbe eguọmwadia ẹre owẹ, ọ re imẹ khin.”