I Samuẹl 25:10 - Edo Bible (E Baibol Ẹdo) Version 1996

¹⁰ Vbe okiekie, e Nabal keghi wanniẹn wẹẹ, “E Devid? De Ọmwa ne a tie vberriọ. yi? I ma he họn ẹmwẹ ọnrẹn ẹdẹ. Ẹ i re avbiẹ eviẹn ni lẹkua ọ ghi rre ẹvbo!

I Samuẹl 25:10 ပူးပေါင်းရင်းမြစ်များ

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

I Ọba 12:16

Emwa ni ghi rẹn nẹ wẹ ọba i ra zẹ ye iran re. Iran keghi datu wẹẹ, “De ne ọ kan mwa vbe ẹmwẹ Devid yi! Ugbẹn ne ọ mu ovbi e Jese, ma mu mwa. Ivbi Izrẹl, edọmwadẹ ọghọe gha rrie owa ẹre. Ghe owa e Devid ne erha ne u tọn mu.” Ẹre emwa Izrẹl na sọtẹ,

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Asan-Ibo 7:10

Ghẹ gha nọ wẹẹ, “A a, vbọzẹ ne emwi hia na wa maa sẹẹ ẹghẹ nẹdẹ yi?” Ẹwaẹn i zẹdẹ rre inọta nii.

Aizaia 32:5

Ọmwarhọkpa i ghi ra vbe tie ọzuọ adazẹ ra ne ẹwobi gha re ne odẹ ọ re rriẹe.

Aizaia 32:7

Ọmwa dan ọ re ọzuọ khin, emwi dan ọ re ọ vbe ru vbe ẹghẹ hia. Ọ ghi kun ẹẹn ne ọ ya ohoghe gbe ovbiogue hin oghẹn rre, kevbe ne ọ ghẹ vbe gie emwi ne ọ khẹ ke iran sẹ iran obọ.

Giọgis 9:28

E Gaal keghi kha wẹẹ, “Vbọzẹ ne ima na ga Abimẹlẹk yi? De egbe emwa ne ima ne ivbi e Siẹkẹm mobọ khin? Gha ọ vbe re irẹn yi? Ovbi e Gidiọn! E Zẹbul ghi vbe gha ya uhunmwu ne ọ gie. Vbọzẹ ne ima gha na gha gae? Wa gie ekhọe uwa gha rre ẹmwẹ erha uwa odede ighẹ Hamọ ne ọ mu uniẹn uwa hẹn!

I Samuẹl 20:30

Ohu e Jonatan keghi wa kakabọ mu e Sọl. O tama rẹn wẹẹ, “Wẹ ne a ma biẹ ẹse na, I rẹnrẹn ighẹ uma ọkpa ọ re uwẹ vbe Devid gha ye, u na gha fa egbe ruẹ kevbe nene iye uẹ nii u an.

I Samuẹl 22:2

Emwa hia fẹẹrẹ ne a ghi zẹ ọre owẹ ra ne ọ defi osa ra ne ẹkun agbọn ma sẹ ọre otọ, keghi bu ẹre gha khian, rẹn kegha re ọkaolotu iran. Iran keghi re omwa ikpia uri eva (400).

I Samuẹl 25:9

Emwa e Devid keghi ya ta uhunmwu na ma Nabal zẹ vbene Devid gie. Iran na mudia vbe evba.