I Samuẹl 24:18 - Edo Bible (E Baibol Ẹdo) Version 1996

¹⁸ U rhie ma mwẹ ẹdẹ nẹrẹ na vbene ekhọe ruẹ ma ghe mwẹ hẹ, rhunmwuda u ma gbe mwẹ uan vbe Nọyaẹnmwa rhie mwẹ ye uẹ obọ.

I Samuẹl 24:18 ပူးပေါင်းရင်းမြစ်များ

Gẹnẹsis 38:26

E Juda keghi ye iran rre, ọ na wẹẹ, “Ẹmwata ọre ọ tae, mẹ ọre ọ ba emwi ku ru. Te ọ te kei ne I rhie ẹre ne Siẹla ne ovbi mwẹ ne ọ rọnmwẹ ọẹn.” Ọ ma ghi dọlegbe guẹe ru emwi ọvbehe.

Psalm 31:8

U ma gie obọ eghian mwẹ gba mwẹ. U rhie ẹtin mẹ, ne I khian sẹ ehe ne ọ khọn mwẹ.

Psalm 7:5

gie eghian mwẹ khu mwẹ ne obọ iran vbe vba mwẹ. Gie iran rhie mwẹ fianmwẹ otọ, ne iran gbe mwẹ uan, ne iran vbe sẹ ikun mwẹ rae ye evba.

Itan 25:22

U gha ye vbe rrio mu erhẹn ekhue tọẹn, e Nọyaẹnmwa gha vbe san ruẹn ẹse.

I Samuẹl 23:12

E Devid keghi vbe nọ wẹẹ, “Emwa Keila gha mu mwẹ kevbe emwa mwẹ viọ gie Sọl ra?” E Nọyaẹnmwa keghi kha wẹẹ, “Iran gha ru ẹe.”

I Samuẹl 23:7

Iran keghi do tama e Sọl wẹ, Devid rrie Keila, rẹn keghi kha wẹẹ, “Osanobua rhie ẹre yọ mwẹ obọ nẹ. E Devid ya lẹ fi ẹvbo ne a gbe ekẹn ga, a na viọ ọkhẹ ye odẹ ne a la larọ, ọ khui egbe ye imu.”

I Samuẹl 24:10

Wẹ gha tobọ miẹn nian wẹ te Nọyaẹnmwa wa rhie ruẹ yọmwẹ obọ ẹrẹna vbe uwu uvun okuta nii. Emwa mwẹ eso te wẹ ne I gbe uẹ ua sokpan ohan ruẹn keghi to mwẹ, I na wẹ I i ya obọ kan ruẹn hiehiere rhunmwuda, wẹ ọ re ọmwa ne Nọyaẹnmwa zẹe ne ọ gha re ọba.

I Samuẹl 24:19

Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!

I Samuẹl 26:23

E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.

I Samuẹl 26:8

Abisiai keghi tama Devid wẹẹ, “Osanobua rhie eghian ruẹn ye uẹ obọ ẹrẹna, banbanna nian, gun mwẹ ye asoro ọghe ọe hae ginna otọ, uhukpa kẹkan, II i ra vbe fi ẹre re ukpogieva!”