I Samuẹl 24:16 - Edo Bible (E Baibol Ẹdo) Version 1996

¹⁶ E Devid ghi guan fo nẹ, e Sọl keghi kha wẹẹ, “Wẹ ọnii gele khin ra Devid ne ovbi mwẹ?” Ọ keghi suẹn gha viẹ.

I Samuẹl 24:16 ပူးပေါင်းရင်းမြစ်များ

Gẹnẹsis 16:5

Serai keghi tama Ebram wẹẹ, “Wẹ ọ siẹe ne Hega na zan mwẹ na. Mẹ ọre ọ tobọ mwẹ rhie ọviẹn mwẹ nuẹn, ke ne ọ ghi ya miẹn we rẹn hanmwa gha dee, te ọ ghi zan mwẹ. E Nọyaẹnmwa ọre ọ ghi bu ase ne nọ rri ase vbe uwe ima!”

Gẹnẹsis 2:2

Vbe ikpẹdẹ ne ogihinrọn, Osanobua keghi winna iwinna ne ọ gha winna hia fo, ọ keghi dobọ iwinna yi.

Gẹnẹsis 33:4

Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ.

I Krọnikol 12:18

Orhiọn Osanobua keghi hin yan ọkpa vbọ, Amasai ne ọ ghi khian ọkaolotu nọkhua ọghe “Iran ne Ọgban” ọ keghi wẹẹ, “E Devid ne ovbi e Jese, otu ruẹ ma ye Ọ dunna ẹn ọ re ọwuẹ kevbe iran ni yuọ obọ Wẹ ọ re Osanobua yaba.” E Devid keghi rhan obọ miẹn iran, ọ na viọ iran ye ukpo vbe ivbiyokuo ẹre.

Job 6:25

Te ẹmwẹ ẹmwata wa la ehọ, sokpan te uwa wa do vbe unu kẹkan.

Psalm 119:154

Gbinna mẹ, ne u fan mwẹ fua; miẹn mwẹ fan, zẹ vbene u khare.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 25:11

Ẹmwẹ ne a ta la owa ẹre, te ọ yevbe iwinna ona igoru ne a ma yan esiliva.

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.

Giọgis 11:27

Ẹn o, I ma mwẹ emwi ne I ruẹ re. Emwi dan u ya ẹe ru ne u na mu okuo gun mwẹ. E Nọyaẹnmwa ọ re ọ ra bu ohiẹn. Ọ gha bu ohiẹn ivbi Izrẹl kevbe ivbi Amọn ẹre na.”

I Samuẹl 26:17

E Sọl keghi mu urhu e Devid, ọ na nọ rẹn wẹẹ, “Devid wẹ ọnii khin ra ovbi mwẹ?” E Devid keghi wanniẹn wẹẹ, “Mẹ nọ Umogun.”

I Samuẹl 26:24

Zẹ vbene I sẹ uẹ rae ẹrẹna, te Nọyaẹnmwa, gha vbe ru imẹ vberriọ, ne ọ fan mwẹ fua hin uwu ọlọghọmwa hia rre.”