I Samuẹl 24:15 - Edo Bible (E Baibol Ẹdo) Version 1996

¹⁵ E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”

I Samuẹl 24:15 ပူးပေါင်းရင်းမြစ်များ

II Krọnikol 24:22

Ọba keghi mianmian ugamwẹ vbene Jehoiada ne erha Zẹkaraia ya ekhọe hia gae hẹ, ọ na gbe Zẹkaraia a. Ugbẹn vbe Zẹkaraia ghi ra wu, ọ keghi datu wẹẹ, “Te Nọyaẹnmwa gha bẹghe emwi ne u ru na ne ọ rria ruẹ ikhi yọ.”

Psalm 119:154

Gbinna mẹ, ne u fan mwẹ fua; miẹn mwẹ fan, zẹ vbene u khare.

Psalm 35:1

E Nọyaẹnmwa, mu aro da iran ni mu aro da mwẹ gu iran ni gunmwẹ gbinna, gbinna.

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Maika 1:2

Wa danmwehọ ẹmwẹ na, wa ne uhunmwu ẹvbo hia, wa danmwehọ, wa hia ni rre agbọn na! E Nọyaẹnmwa ne Udazi gha sẹ osẹe gbe uwa. Danmwehọ. Ọgua Osa ẹre vbe ẹrinmwi ọ re ọ ke guan rre.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Giọgis 11:27

Ẹn o, I ma mwẹ emwi ne I ruẹ re. Emwi dan u ya ẹe ru ne u na mu okuo gun mwẹ. E Nọyaẹnmwa ọ re ọ ra bu ohiẹn. Ọ gha bu ohiẹn ivbi Izrẹl kevbe ivbi Amọn ẹre na.”

I Samuẹl 17:43

Ọ keghi tama e Devid wẹẹ, “Vbe u a ye ovbi erhan nii ru yi? Te u ro ighẹ ekita mẹ khin ra?” Ọ na gha mu ẹbọ ne ọ gho gbe Devid.

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.

I Samuẹl 26:20

Ghẹ gia gbe mwẹ uan ye otọe ẹrrẹe, vbe a lahin ehe ne Nọyaẹnmwa ye rre. Vbọzẹ ne ọba Izrẹl na ladian ne ọ do gbe ovbiọkhọe vbene imẹ ye na? vbe ọ ghi ru ọbafi mwẹ khian hẹ yi vbe ne ọ ru ọbafi ahianmwẹ ne oha?”

I Samuẹl 26:4

Ọ keghi gie ọrhẹ gha khian, iran keghi miẹn wẹ ẹmwata nọ wẹ e Sọl gele rre evba.