I Samuẹl 24:11 - Edo Bible (E Baibol Ẹdo) Version 1996

¹¹ Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 24:11 ပူးပေါင်းရင်းမြစ်များ

II Samuẹl 1:14

E Devid keghi nọ rẹn wẹẹ, “Vbọ si ẹe ne ohan na gie uwẹ gbe ọba ne Nọyaẹnmwa tobọ ẹre zẹ?”

II Ọba 5:13

Avbe eguọmwadia ẹre keghi bu ẹre gha khian, iran wẹẹ, “Akpawẹ te akhasẹ wẹ ne u ru emwi ne ọ lọghọ, ẹ i re te u gha ru ẹe, vbe ọ ghi rrọọ nian, wẹ ghi ya khuẹ kẹkan ne egbe rran ruẹn!”

Job 10:16

Emwi gha dunna mẹ kherhe, u ghi zẹ mwẹ khu zẹ vbe oduma, u ghi gha zẹ edunna, ne emwi miẹn ehe na vba mwẹ.

Psalm 119:161

Iran ni mwẹ ẹtin gha gunmwẹ khọn vbe ai mwẹ otọ, sokpan, te imẹ lohan uhi ruẹ.

Psalm 140:11

Ẹ i ghẹ dunna ne iran ni mu ẹmwẹ kuan ẹrrẹe, emwi dan ọ re ọ gha dekun emwa ọkhọ, ne ọ fuẹn iran an.

Psalm 35:7

Vbene ẹi na mwẹ otọe, iran khuẹn ifi khẹ mwẹ, iran tọn uye ne ọ dinmwi, ne iran ya mu mwẹ.

Psalm 59:3

Ghe! Iran ghae ye odẹ ne iran gbe mwẹ uan. Avbe emwa dan gha si uma ga mwẹ, ẹ i re rhunmwuda orukhọ, ra abakuru ne I ru.

Psalm 7:5

gie eghian mwẹ khu mwẹ ne obọ iran vbe vba mwẹ. Gie iran rhie mwẹ fianmwẹ otọ, ne iran gbe mwẹ uan, ne iran vbe sẹ ikun mwẹ rae ye evba.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Eve Orriara 4:18

Eghian mwa kegha baba mwẹ; ohan ma ghi gie ima khian ladian ore. Ẹghẹ mwa gberra nẹ, ufomwẹ rre nẹ.

Ezikiẹl 13:18

Ne u vbe tama iran ẹmwẹ ne Nọyaẹnmwa ne Udazi tama iran wẹẹ: “Wa ne ikhuo na, ọghe uwa fo. Wa ru emwiobọ ẹbo ne emwa, wa ghi vbe gha sele ukhiọnfọ ẹyaẹn ẹbo ne emwa gha rri ye urhu ne iran sẹtin gha mwẹ ẹtin vbe uhunmwu ẹdagbọn emwa ọvbehe. Wa ho ne uwa gha mwẹ asẹ uwu kevbe ẹfe vbe uhunmwu emwa mwẹ, ne uwa miẹn ehe na gha ya iran ru enegbe uwa.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”

I Samuẹl 18:27

E Devid kevbe emwa rẹn keghi ya gbele ivbi e Filistin uri. Ọ keghi viọ ukpikolo iran, ọ na ya ka ẹe ye otọ vbe odaro ọba ne ọ miẹn ehe na gha re orruan rẹn. Ẹre Sọl na rhie Mikal ne ovbi ẹre ne Devid rhie rọnmwẹ.

I Samuẹl 23:14

E Devid keghi ya lẹre ye ẹvbo uhunmwu oke ne oha vbe ọkpẹn e Zif. E Sọl kegha hia vbe odẹikodẹ ne obọ irẹn vba ẹre, sokpan Osanobua ma rhie ẹre ne ẹẹn.

I Samuẹl 23:23

Wa gualọ otọ avbe ehe ne ọ wa lẹre yi dandaandan, ne uwa wa do tama mwẹ. Ẹghẹ nii, I ghi lele uwa gha khian, a deghẹ ọ ye rre ẹdogbo nii, I ghi gualọ ẹe miẹn, ọ gha khọn rẹn wẹ ne I gha na wa gualọ ẹe la otọ e Juda hia nọ.”

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.

I Samuẹl 26:18

Ọ keghi rhie te ẹe wẹẹ, “Vbọzẹ ne u na ye khu mwẹ khian, mẹ ne ọguọmwadia ruẹ? Vbe i a mobọ ru? De a i ghẹ ru ne I ru?

I Samuẹl 26:20

Ghẹ gia gbe mwẹ uan ye otọe ẹrrẹe, vbe a lahin ehe ne Nọyaẹnmwa ye rre. Vbọzẹ ne ọba Izrẹl na ladian ne ọ do gbe ovbiọkhọe vbene imẹ ye na? vbe ọ ghi ru ọbafi mwẹ khian hẹ yi vbe ne ọ ru ọbafi ahianmwẹ ne oha?”

I Samuẹl 26:23

E Nọyaẹnmwa ọ re ọ san iran ne emwa ẹmwata ni ru emwi ẹse, ẹse. Ẹrẹna nian, ọ rhie ruẹ yo mwẹ obọ sokpan I ma ru uẹ emwi rhọkpa, wẹ ne Nọyaẹnmwa ma ẹre ọba.