I Samuẹl 24:1 - Edo Bible (E Baibol Ẹdo) Version 1996

¹ E Sọl ghi ke ehe ne ọ na ya gu ivbi e Filistin gbinna rre, iran keghi tama rẹn wẹ e Devid rre uwu oha vbe ọkpẹn Ẹngẹdi.

I Samuẹl 24:1 ပူးပေါင်းရင်းမြစ်များ

Itan 25:5

Viọ avbe emwa ni bu ọmwa ude dan hin ehe ne ọba ye rre, uyinmwẹ ẹmwata ọ re a ra ya rẹn arriọba ẹre.

Itan 29:12

Ọmwa ne ọ khaemwisẹ gha danmwehọ ẹmwẹ ohoghe ne a ta ma rẹn, ewọe ẹre hia ghi do khian ọhọn ohoghe.

Ezikiẹl 22:9

Eso vbe uwu uwa mu ohoghe ba ọmwa ọvbehe, ne a miẹn ehe na gbele iran an, eso vbe uwu iran vbe rri avbe emwi ne a ya ru ẹbọ. Eso, orriarria ekhọe iran ọ re iran wa ya ru emwi.

Ezikiẹl 47:10

Wa ke Ẹzẹ Ẹngẹdi gha khian, ya sẹ Ẹzẹ Ẹneglem, a gha miẹn avbe ọgbehẹn vbe ọkpẹn okun nii, iran ghi vbe tan ọga iran ye evba ne ọ ka. A gha miẹn ehẹn ughughan ni bun vbe evba zẹ vbene ọ rre Okun e Meditẹrrenian.

Hozia 7:3

E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Jọsua 15:62

Nibsian ne ẹvbo Umwẹ, kevbe Ẹngẹdi: agbọn ẹvbo ehan deba okpẹvbo ni lẹga iran.

I Samuẹl 23:19

Emwa eso keghi ke Zif kpao bu e Sọl gha rrie Gibea, iran tama rẹn wẹẹ, “E Devid lẹre ye otọ ima vbe Hores ne uhunmwu oke Hakila vbe odẹ ekẹn ọghe ẹgbo Juda.