I Samuẹl 23:9 - Edo Bible (E Baibol Ẹdo) Version 1996

⁹ E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”

I Samuẹl 23:9 ပူးပေါင်းရင်းမြစ်များ

I Ọba 2:26

Ẹre Solomọn ne ọba na tama Abiata ne ohẹn wẹẹ, “Gha rrie Anatọt ne ẹvbo ruẹ. Te ọ te kei ne u wu sokpan, mẹ i ra gbe ue ua nian rhunmwuda, wẹ ọre ọ gha gbe aro ghe Ẹkpẹti Ile vbe u rre ehe ne erha mwẹ ye ighẹ Devid wẹ, vbe ghae vbe uwu ọlọghọmwa rẹn hia.”

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Iwinna 14:6

Emwi na ghi vẹ ne avbe ukọ rẹn, iran keghi lẹ gha rrie Listra kevbe Dẹbi, ẹvbo ni rre otọ Likaonia, kevbe ẹvbo ni lẹga ẹre hia.

Iwinna 9:24

Sokpan emwa eso keghi do ya ẹmwẹ ha ẹre ehọ we ghe uma ne iran si. Iran kegha khẹ odẹ ne a la la ẹvbo ni asọn kevbe avan ne iran miẹn ehe na gbe ẹe rua.

I Samuẹl 10:22

Iran keghi dọlegbe nọ e Nọyaẹnmwa wẹẹ, “Ọmwa ọvbehe yevbe rrọọ ra?” E Nọyaẹnmwa keghi wanniẹn iran wẹẹ, “E Sọl rre evba, ọ lẹre ye iyeke ehe ne a viọ ihẹ yi.”

I Samuẹl 14:18

E Sọl keghi tama Ahija ne ohẹn wẹẹ, “Mu adaghọ nii rre” (rhunmwuda, vbe ẹdẹ ne a kha na te Ahija mu ẹẹn ke odaro ne ivbi Izrẹl).

I Samuẹl 22:20

Sokpan, Abiata ne ọkpa vbe uwu avbe ivbi Ahimẹlẹk keghi lẹfua, ọ na bu e Devid gha khian ya deba ẹre.

I Samuẹl 23:10

Ẹre Devid na kha wẹẹ, “E Nọyaẹnmwa, Osanobua Izrẹl, I họn ẹn wẹ e Sọl die Keila do dunmwu ẹẹn ruan rhunmwuda imẹ ne ọguọmwadia ruẹ.

I Samuẹl 23:6

Ugbẹn vbe Abiata ne ovbi Ahimẹlẹk ghi lẹfua, ọ keghi mu adaghọ ni ọ na ya vba e Devid vbe Keila.

I Samuẹl 23:8

Ẹre Sọl na koko emwa igbinna rẹn, wẹ ne iran gha rrie Keila ne iran ya gu e Devid ke emwa rẹn gbinna.

I Samuẹl 30:7

E Devid keghi khama ohẹn Abiata ne ovbi Ahimẹlẹk wẹẹ, “Mu adaghọ ni rre.” Abiata keghi mu gie ẹe.