I Samuẹl 23:8 - Edo Bible (E Baibol Ẹdo) Version 1996

⁸ Ẹre Sọl na koko emwa igbinna rẹn, wẹ ne iran gha rrie Keila ne iran ya gu e Devid ke emwa rẹn gbinna.

I Samuẹl 23:8 ပူးပေါင်းရင်းမြစ်များ

I Ọba 2:26

Ẹre Solomọn ne ọba na tama Abiata ne ohẹn wẹẹ, “Gha rrie Anatọt ne ẹvbo ruẹ. Te ọ te kei ne u wu sokpan, mẹ i ra gbe ue ua nian rhunmwuda, wẹ ọre ọ gha gbe aro ghe Ẹkpẹti Ile vbe u rre ehe ne erha mwẹ ye ighẹ Devid wẹ, vbe ghae vbe uwu ọlọghọmwa rẹn hia.”

I Samuẹl 23:10

Ẹre Devid na kha wẹẹ, “E Nọyaẹnmwa, Osanobua Izrẹl, I họn ẹn wẹ e Sọl die Keila do dunmwu ẹẹn ruan rhunmwuda imẹ ne ọguọmwadia ruẹ.

I Samuẹl 23:7

Iran keghi do tama e Sọl wẹ, Devid rrie Keila, rẹn keghi kha wẹẹ, “Osanobua rhie ẹre yọ mwẹ obọ nẹ. E Devid ya lẹ fi ẹvbo ne a gbe ekẹn ga, a na viọ ọkhẹ ye odẹ ne a la larọ, ọ khui egbe ye imu.”

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”