I Samuẹl 23:6 - Edo Bible (E Baibol Ẹdo) Version 1996

⁶ Ugbẹn vbe Abiata ne ovbi Ahimẹlẹk ghi lẹfua, ọ keghi mu adaghọ ni ọ na ya vba e Devid vbe Keila.

I Samuẹl 23:6 ပူးပေါင်းရင်းမြစ်များ

I Ọba 2:26

Ẹre Solomọn ne ọba na tama Abiata ne ohẹn wẹẹ, “Gha rrie Anatọt ne ẹvbo ruẹ. Te ọ te kei ne u wu sokpan, mẹ i ra gbe ue ua nian rhunmwuda, wẹ ọre ọ gha gbe aro ghe Ẹkpẹti Ile vbe u rre ehe ne erha mwẹ ye ighẹ Devid wẹ, vbe ghae vbe uwu ọlọghọmwa rẹn hia.”

Ẹksọdọs 28:6

“A ghi ya oru ne raghoragho, ne ọ vboro rhan-an, ne ọ baa, igoru kevbe eto ovbiohuẹ ne vbukhẹẹ, se adaghọ, a ghi do ona lele ẹe.

I Samuẹl 14:18

E Sọl keghi tama Ahija ne ohẹn wẹẹ, “Mu adaghọ nii rre” (rhunmwuda, vbe ẹdẹ ne a kha na te Ahija mu ẹẹn ke odaro ne ivbi Izrẹl).

I Samuẹl 14:3

(Ohẹn ne ọ mu adaghọ rhuan kegha re Ahija ne ovbi ọtẹn Ikabọd ne a tie ẹre Ahitub ne ovbi e Finihaz, eyẹ Elai ne ohẹn e Nọyaẹnmwa vbe Siailo.) Emwa nii ma rẹn wẹ e Jonatan ladian.

I Samuẹl 22:20

Sokpan, Abiata ne ọkpa vbe uwu avbe ivbi Ahimẹlẹk keghi lẹfua, ọ na bu e Devid gha khian ya deba ẹre.

I Samuẹl 23:2

Rhunmwuda ọnii, rẹn keghi nọ e Nọyaẹnmwa wẹẹ, “Ne I ya gu ivbie Filistin gbinna ra?” E Nọyaẹnmwa keghi wanniẹn wẹẹ, “Ẹn gha khian ya gu iran gbinna ne u vbe miẹn Keila fan.”

I Samuẹl 23:5

Ẹre Devid kevbe emwa rẹn na gha rrie Keila, iran keghi dekun ivbi e Filistin, iran na gbele ni bun vbe uwu iran, iran na viọ emwi irri iran. Erriọ ọre Devid ya miẹn ẹvbo nii fan.

I Samuẹl 23:7

Iran keghi do tama e Sọl wẹ, Devid rrie Keila, rẹn keghi kha wẹẹ, “Osanobua rhie ẹre yọ mwẹ obọ nẹ. E Devid ya lẹ fi ẹvbo ne a gbe ekẹn ga, a na viọ ọkhẹ ye odẹ ne a la larọ, ọ khui egbe ye imu.”

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”

I Samuẹl 30:7

E Devid keghi khama ohẹn Abiata ne ovbi Ahimẹlẹk wẹẹ, “Mu adaghọ ni rre.” Abiata keghi mu gie ẹe.