I Samuẹl 23:4 - Edo Bible (E Baibol Ẹdo) Version 1996

⁴ Ẹre Devid na dọlegbe nọ e Nọyaẹnmwa, e Nọyaẹnmwa keghi tama rẹn wẹẹ, “Ya gu e Keila gbinna rhunmwuda I gha rhie akhọnmiotọ nuẹn.”

I Samuẹl 23:4 ပူးပေါင်းရင်းမြစ်များ

II Samuẹl 2:1

Vbe iyeke ọna, e Devid keghi nọ e Nọyaẹnmwa wẹẹ, “Ne I gha khian ya mu ọkpa vbe ẹvbo ni rre Juda ne I gha khaemwisẹ yan rẹn ra?” E Nọyaẹnmwa keghi wanniẹn wẹẹ, “Gha khian.” E Devid keghi nọ wẹẹ, “De ne ọ khin vbọ yi?” E Nọyaẹnmwa tama rẹn wẹẹ, “E Hibrọn.”

II Samuẹl 5:19

E Devid keghi nọ e Nọyaẹnmwa wẹẹ, “Ne I ya gu ivbi e Filistin gbinna ra? U gha rhie akhọnmiotọ mẹ ra?” E Nọyaẹnmwa keghi tama rẹn wẹẹ, “Gha khian, I gha rhie akhọnmiotọ nuẹn.”

II Ọba 3:18

Elaisia keghi rhie te ẹe wẹẹ, “Sokpan ena i zẹdẹ lọghọ e Nọyaẹnmwa urumwẹ, ọ gha vbe gie uwa khọn e Moab miotọ ba ẹre.

I Krọnikol 14:10

E Devid keghi nọọn Osanobua wẹẹ, “Ne I gu iran gbinna ra, u gha gun mwẹ khọn miotọ ra.” E Nọyaẹnmwa keghi wanniẹn wẹẹ, “Ẹn, ya gu iran gbinna, I gha guẹ khọn miotọ!”

Jọsua 8:7

Ẹghẹ nii, wa ghi ladian vbe ehe ne uwa lẹre yi, ne uwa khọn ẹvbo nii muotọ. E Nọyaẹnmwa Osanobua rua gha rhie ẹre ne uwa.

Giọgis 6:39

Ẹre Gidiọn na vbe tama Osanobua wẹẹ. “Ghẹ gie ohu mwẹ mu ẹẹn, gun mwẹ ye guan uhukpa na kẹkan. Lahọ ye gunmwẹ ye eto ohuan na ghe ẹre ghe uhukpa. Gie eto ohuan nii ka vbene evbu gha na gha rre otọ ni lẹga ẹre hia”

Giọgis 7:7

E Nọyaẹnmwa keghi tama e Gidiọn wẹẹ, “Iran iyisẹn eha ni ye obọ balọ amẹ wọn ọ re I ra ya miẹn ruẹn fan ne I vbe ya rhie akhọnmiotọ ne uẹn vbe uhunmwu emwa Midian. Tama emwa nekpa hia ne iran gha rrie owa.”

Giọgis 7:9

Vbe asọn nii, e Nọyaẹnmwa keghi tama Gidiọn wẹẹ, “Kpaegbe ne u dekun agọ nii; I ra rhie ẹre ye uẹ obọ ne u khọn miẹn ọre otọ.

I Samuẹl 10:22

Iran keghi dọlegbe nọ e Nọyaẹnmwa wẹẹ, “Ọmwa ọvbehe yevbe rrọọ ra?” E Nọyaẹnmwa keghi wanniẹn iran wẹẹ, “E Sọl rre evba, ọ lẹre ye iyeke ehe ne a viọ ihẹ yi.”

I Samuẹl 23:2

Rhunmwuda ọnii, rẹn keghi nọ e Nọyaẹnmwa wẹẹ, “Ne I ya gu ivbie Filistin gbinna ra?” E Nọyaẹnmwa keghi wanniẹn wẹẹ, “Ẹn gha khian ya gu iran gbinna ne u vbe miẹn Keila fan.”

I Samuẹl 23:3

Sokpan, emwa Devid keghi tama rẹn wẹẹ, “Ehe ne ima ye vbe Juda na, emwi ne ọ si afianma ye ọmwa egbe sẹe vbọ, a deghẹ ma ghi vbe gha rrie Keila ya gu ivbi e Filistin khọn, ẹre te emwi hia ghi wa dọlegbe kulo.”

I Samuẹl 23:5

Ẹre Devid kevbe emwa rẹn na gha rrie Keila, iran keghi dekun ivbi e Filistin, iran na gbele ni bun vbe uwu iran, iran na viọ emwi irri iran. Erriọ ọre Devid ya miẹn ẹvbo nii fan.

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.

I Samuẹl 30:8

E Devid keghi nọ e Nọyaẹnmwa wẹẹ, “Nẹ I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu ni hia fan.”