I Samuẹl 23:28 - Edo Bible (E Baibol Ẹdo) Version 1996

²⁸ Ẹre Sọl ghi na da obọ e Devid ne ọ khu khian yi, ọ na ya gu ivbi e Filistin gha gbinna. Ọna ọ si ẹe ne a na tie evba nii oke Iwannegbe.

I Samuẹl 23:28 ပူးပေါင်းရင်းမြစ်များ

Psalm 124:7

Ma lẹ fe, zẹ vbene ahianmwẹ yuo hin ifi ọgbahianmwẹ rre ifi dọn fua, ma sannọ kua!

I Samuẹl 23:25

E Sọl kevbe emwa rẹn keghi ladian ya gha gualọ e Devid khian, sokpan, rẹn họẹn, ọ na gha rrie iya okuta ne ọ rre ẹgbo Moan, ọ na ya gha rre evba. E Sọl ghi họn, ọ na gha gualọ e Devid khian.

I Samuẹl 23:27

Vbe uwu ẹghẹ nii zẹ, iran keghi gie do tama e Sọl wẹẹ, “Dọlegbe gha dee ẹgiẹgiẹ! Ivbi e Filistin mu okuo rri ẹvbo!”

I Samuẹl 23:29

E Devid keghi kpao gha rrie otọ Ẹngẹdi, ọ na ya lẹre ye evba.

I Samuẹl 24:1

E Sọl ghi ke ehe ne ọ na ya gu ivbi e Filistin gbinna rre, iran keghi tama rẹn wẹ e Devid rre uwu oha vbe ọkpẹn Ẹngẹdi.

I Samuẹl 24:2

E Sọl keghi viọ omwa arriaisẹn eha vbe uwu emwa rẹn ni guara gbinna sẹẹ vbe Izrẹl, ọ na suẹn ya gha gualọ e Devid vbe emwa rẹn, vbe odẹ ahọ ọghe Okuta Ẹwe Oha.