I Samuẹl 23:26 - Edo Bible (E Baibol Ẹdo) Version 1996

²⁶ E Sọl kevbe emwa rẹn kegha rre obọkpa ọghe nene oke vbe ne Devid kevbe emwa rẹn na gha rre obọ nọkpa. Iran keghi yẹn owẹ ye okhian ne iran lẹ fe Sọl kevbe emwa rẹn ne ọ ghi wa sikẹ iran, ọ kẹ ekherhe ne obọ iran vba iran.

I Samuẹl 23:26 ပူးပေါင်းရင်းမြစ်များ

II Samuẹl 15:14

Ẹre Devid na tama ekhaẹmwẹ ọnrẹn ni gue ẹe rre Jerusalẹm wẹẹ, “Te ima gha zẹgiẹgiẹ ladian ne a miẹn ehe na miẹn uhunmwu vbe obọ Absalọm. Ẹgiẹgiẹ, ne ọ ghẹ ya rre banbanna, obọ ẹre ghi ke ukhunmwu ne ima, ọ ghi gbele emwa hia ni rre ore ẹvbo ua.”

II Krọnikol 20:12

We ọrọre Osanobua mwa! Rri iran oya, rhunmwuda, ma i miẹn emwi ọkpa ru vbe ehe ne ivbiyokuo ni bun sẹ nian na, ni gu ima khọn ye, ma ma rẹn emwi ne ima gha ru, sokpan, aro ruẹ ma ghi ghe ne iyobọ.”

Psalm 17:11

Iran wa lẹga mwẹ nian, vbe ehe ne I rhirhi a mu aro da. Iran gha gualọ ehe ne iran gha na si mwẹ gbotọ.

Psalm 17:9

Hin adekun ọmwa ọghe emwa dan. Eghian ni ho ọmwa uwu lẹga mwẹ,

Psalm 22:12

Eghian nibun lẹga mwẹ zẹvbe ẹkhuia ẹmila. Iran hia wa lẹga mwẹ zẹvbe ẹkhuia ẹmila ne ọ khọ, ne a miẹn vbe otọe Basian.

Psalm 22:16

Otu emwa dan ghae ga mwẹ zẹvbe oghẹn ekita, iran mama rhu mwẹ. Iran yanghan mwẹ obọ kevbe owẹ.

Psalm 31:22

Afianma te gha fian mwẹ I keghi te ro wẹ ọ khu mwẹ fua hin ehe ne irẹn ye rre nẹ. Sokpan, ọ họn utumwẹ mwẹ, vbe I kpe tie ẹre nọ iyobọ.

II Kọrinti 1:8

Etẹn mwẹ, ma ho ne ima ye uwa ẹre rre ighẹ ẹmwẹ ọlọghọmwa ne ima miẹn vbe otọe Esia, ihẹ ne a kun yan mwa keghi bun sẹrriọ, ọ keghi vbe khua sẹrriọ wẹ, ma keghi rhie aro hin rre ighẹ ima gha miẹn uhunmwu.

Arhie Maan 20:9

Iran gha egbe gba otọ agbọn hia, iran ke ghae ga agọ emwa Osanobua kevbe ẹvbo ni ne irẹn ho ẹmwẹ ọnrẹn, sokpan, erhẹn ke ẹrinmwi rre, ọ na fuẹn iran uan.

Giọgis 16:2

Emwa e Gaza keghi họn wẹ e Samsin rre evba, iran keghi ghae ga evba nii, iran na gha khẹ ọre vbe onurho ne a la la ẹvbo nii vbe asọn ni hia. Iran keghi hunwan vbe asọn nii hia, iran kegha ye ekhọe iran ta ẹe wẹẹ, “Ma gha mudia ne ẹdẹ gbe ẹghẹ nii ma ghi gbe ẹe rua.”

I Samuẹl 19:12

Ọ keghi mu ẹẹn la ewindo fi otọ, ọ na lẹfua.

I Samuẹl 20:38

Ghẹ mudia ye evba, zẹgiẹgiẹ!” Ọvbokhan okpia nii keghi rhọ avbe ifẹnmwẹ nii, ọ na dọlegbe bu arowa ẹre gha dee,

I Samuẹl 23:25

E Sọl kevbe emwa rẹn keghi ladian ya gha gualọ e Devid khian, sokpan, rẹn họẹn, ọ na gha rrie iya okuta ne ọ rre ẹgbo Moan, ọ na ya gha rre evba. E Sọl ghi họn, ọ na gha gualọ e Devid khian.

I Samuẹl 23:27

Vbe uwu ẹghẹ nii zẹ, iran keghi gie do tama e Sọl wẹẹ, “Dọlegbe gha dee ẹgiẹgiẹ! Ivbi e Filistin mu okuo rri ẹvbo!”