I Samuẹl 23:24 - Edo Bible (E Baibol Ẹdo) Version 1996

²⁴ Ẹre iran na werriegbe, iran na karo ne Sọl gha rrie Zif. E Devid kevbe emwa rẹn kegha rre uwu ẹgbo e Moan vbe otọe iya ne emwa i ye vbe odẹ ekẹn ọghe nene ẹgbo.

I Samuẹl 23:24 ပူးပေါင်းရင်းမြစ်များ

Jọsua 15:55

Avbe ẹvbo na keghi vbe rrọọ Maọn, e Kamẹl e Zif, Juta.

I Samuẹl 23:23

Wa gualọ otọ avbe ehe ne ọ wa lẹre yi dandaandan, ne uwa wa do tama mwẹ. Ẹghẹ nii, I ghi lele uwa gha khian, a deghẹ ọ ye rre ẹdogbo nii, I ghi gualọ ẹe miẹn, ọ gha khọn rẹn wẹ ne I gha na wa gualọ ẹe la otọ e Juda hia nọ.”

I Samuẹl 23:25

E Sọl kevbe emwa rẹn keghi ladian ya gha gualọ e Devid khian, sokpan, rẹn họẹn, ọ na gha rrie iya okuta ne ọ rre ẹgbo Moan, ọ na ya gha rre evba. E Sọl ghi họn, ọ na gha gualọ e Devid khian.

I Samuẹl 25:2

Okpia ọkpa kegha rrọ vbe ẹwae Keleb, a keghi tie eni ẹnrẹn Nabal. Ovbi ẹvbo ne a tie ẹre Moan nọ, sokpan, ẹvbo ne a tie ẹre Kamẹl ọ re ọ na gha winna ọ keghi re ọmwa ne ọ fe ẹsẹse, ọ kegha mwẹ ohuan arriaisẹn eha (3,000) kevbe ẹwe arriaisẹn (1,000). A kegha tie ọvbokhan rẹn Abigẹl, okhuo na keghi wa mose, ẹwaẹn vbe gba ne ẹẹn, sokpan ọdafẹn ọnrẹn kegha re ọmwa oya ne egbe balọ. E Nabal keghi gia eto ohuan ẹnrẹn vbe kamẹl,