I Samuẹl 23:23 - Edo Bible (E Baibol Ẹdo) Version 1996

²³ Wa gualọ otọ avbe ehe ne ọ wa lẹre yi dandaandan, ne uwa wa do tama mwẹ. Ẹghẹ nii, I ghi lele uwa gha khian, a deghẹ ọ ye rre ẹdogbo nii, I ghi gualọ ẹe miẹn, ọ gha khọn rẹn wẹ ne I gha na wa gualọ ẹe la otọ e Juda hia nọ.”

I Samuẹl 23:23 ပူးပေါင်းရင်းမြစ်များ

I Ọba 18:10

Ne I wa ye eni e Nọyaẹnmwa ne Osanobua vẹn ihẹn nian wẹ ehe i mwẹ ehe ne ọba ma he gualọ ọ la vbe otọe agbọn na. Ẹghẹ ne iran a rhirhi ya tama rẹn wẹ u i rre evba, ọ ghi ya enogie ẹvbo nii vẹn ihẹn wẹ ọ gha gele miẹn ọn.

II Ọba 6:13

Ọba keghi wanniẹn, “Wa gualọ otọ ehe ne ọ ye ne I ya mu ẹẹn.” Iran ghi tama rẹn ighẹ Dotan nọ,

Psalm 10:8

Ọ ghi ya lẹre ye uwu igue ọ ghi gha khọ emwa ne ọ ma rriabe ne ọ gha gbe ua. Ọ ghi gha baba ivbi ẹrrẹe, ne obọ ẹre ghi vba.

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Nọmbas 10:36

Ọ ghẹ ghi vbe demudia, rẹn ghi kha wẹẹ, “E Nọyaẹnmwa, dọlegbe bu ẹgbẹe arriaisẹn inu ne ọ khin ọghe Izrẹl gha dee.”

Iyẹn ne ọ Maan Ọghe Mak 14:1

Ikpẹdẹ eha ọre ọ ghi kẹe ne a suẹn Emwiukpo Alagberra kevbe Eka Ne ọ ma hue. Avbe igie ohẹn kevbe avbe iran ni ma emwa Uhi kegha gualọ vbene iran gha ya do mu Jesu hẹ ne iran gbe ẹe rua.

I Samuẹl 23:22

Wa ya dọlegbe gualọ otọ ẹre ẹse, wa gualọ otọ ehe ne ọ wa ye kevbe ọmwa ne ọ miẹn ọẹn vbe evba. Iran tama mwẹ wẹ ọ gu ẹwaẹn gbe.

I Samuẹl 23:24

Ẹre iran na werriegbe, iran na karo ne Sọl gha rrie Zif. E Devid kevbe emwa rẹn kegha rre uwu ẹgbo e Moan vbe otọe iya ne emwa i ye vbe odẹ ekẹn ọghe nene ẹgbo.

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.