I Samuẹl 23:21 - Edo Bible (E Baibol Ẹdo) Version 1996

²¹ E Sọl keghi wanniẹn wẹẹ, “Te Osanobua gha fiangbe uwa ne uwa na tohan mwẹ vberriọ!

I Samuẹl 23:21 ပူးပေါင်းရင်းမြစ်များ

Gẹnẹsis 20:13

Ugbẹn vbe Osanobua ghi rhie mwẹ ladian hin owa erha mwẹ rre gha rrie isi, I keghi tama rẹn wẹẹ, ‘U ghi rhie ma wẹ u rhiegbe mu mwẹ vbe ne u gha na kha vbe eheikehe ne ima rhirhi yo wẹẹ, ọtẹn mwẹ nokpia nọ.’ ”

II Samuẹl 2:5

Ọ keghi gie emwa eso uhunmwu gha khian ya tama iran wẹẹ, “Te Nọyaẹnmwa gha fiangbe uwa, ne uwa na rhie maa ighẹ uwa i re eghian ọba uwa vbene uwa na re ẹre.

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Giọgis 17:2

Ọ keghi tama iye ẹe wẹẹ, “Ẹghẹ ne iran na do igho esiliva iyisẹn yan arriaisẹn (1,100) hẹ, u na ya mu ẹbọ gbe nene oyi. I họn ẹn ighẹ erriọ u ru ẹe. Ne I tama ruẹn nian, avbe igho nii gue mwẹ. Mẹ ọ re ọ viọ ẹre.” Iye ẹe keghi kha wẹẹ, “Te e Nọyaẹnmwa gha fiangbuẹ ovbi mwẹ!”

I Samuẹl 15:13

E Samuẹl keghi bu e Sọl, e Sọl keghi tuẹ ọe wẹẹ, “E Nọyaẹnmwa ne ọ fiangbuẹ e Samuẹl. I ru nẹ zẹ vbene ọ kha re.”

I Samuẹl 22:8

Ọnii ọ si ẹe ne uwa na ho odẹ ne uwa gha la mwẹ re ra? A ma miẹn orhiọnkpa vbe uwu uwa ne ọ tama mwẹ wẹ ovbi mwẹ kevbe Devid gba vẹn ihẹn ne egbe nẹ. A i vbe miẹn orhiọnkpa ne ẹmwẹ mwẹ da ra ne ọ vbe tama mwẹ wẹ e Devid ne ọ re ọkpa vbe uwu emwa mwẹ gualọ odẹ ne ọ gha na gbe mwẹ uan kevbe wẹ ovbi mwẹ vbe yi ẹre ike!”

I Samuẹl 23:22

Wa ya dọlegbe gualọ otọ ẹre ẹse, wa gualọ otọ ehe ne ọ wa ye kevbe ọmwa ne ọ miẹn ọẹn vbe evba. Iran tama mwẹ wẹ ọ gu ẹwaẹn gbe.