I Samuẹl 23:2 - Edo Bible (E Baibol Ẹdo) Version 1996

² Rhunmwuda ọnii, rẹn keghi nọ e Nọyaẹnmwa wẹẹ, “Ne I ya gu ivbie Filistin gbinna ra?” E Nọyaẹnmwa keghi wanniẹn wẹẹ, “Ẹn gha khian ya gu iran gbinna ne u vbe miẹn Keila fan.”

I Samuẹl 23:2 ပူးပေါင်းရင်းမြစ်များ

II Samuẹl 2:1

Vbe iyeke ọna, e Devid keghi nọ e Nọyaẹnmwa wẹẹ, “Ne I gha khian ya mu ọkpa vbe ẹvbo ni rre Juda ne I gha khaemwisẹ yan rẹn ra?” E Nọyaẹnmwa keghi wanniẹn wẹẹ, “Gha khian.” E Devid keghi nọ wẹẹ, “De ne ọ khin vbọ yi?” E Nọyaẹnmwa tama rẹn wẹẹ, “E Hibrọn.”

II Samuẹl 5:19

E Devid keghi nọ e Nọyaẹnmwa wẹẹ, “Ne I ya gu ivbi e Filistin gbinna ra? U gha rhie akhọnmiotọ mẹ ra?” E Nọyaẹnmwa keghi tama rẹn wẹẹ, “Gha khian, I gha rhie akhọnmiotọ nuẹn.”

II Samuẹl 5:23

E Devid keghi vbe dọlegbe nọ e Nọyaẹnmwa, ọ keghi tama rẹn wẹẹ, “Ghẹ ue ke emwa mu igbinna bu iran, sokpan, khian lẹga iran, ne u ya ke odẹ iyeke iran suẹn gu iran gha gbinna: vbe ọkpẹn erhan balsam.

I Krọnikol 14:10

E Devid keghi nọọn Osanobua wẹẹ, “Ne I gu iran gbinna ra, u gha gun mwẹ khọn miotọ ra.” E Nọyaẹnmwa keghi wanniẹn wẹẹ, “Ẹn, ya gu iran gbinna, I gha guẹ khọn miotọ!”

Psalm 32:8

E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.

Jerimaia 10:23

Nọyaẹnmwa, mẹ rẹnrẹn wẹ, orhunmwu ọkpa ne ọ mwẹ asẹ yan vbene ọ hi hẹ i rrọọ; orhunmwu ọkpa ne ọ khaemwisẹ yan ẹdagbọn rẹn i rrọọ.

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Jọsua 9:14

Ivbi Izrẹl keghi miẹn iran evbare eso sokpan, iran ma nọ e Nọyaẹnmwa emwi ne iran gha ru.

Giọgis 1:1

Ugbẹn vbe Jọsua ghi wu nẹ, ivbi Izrẹl nọ e Nọyaẹnmwa wẹẹ, “De ẹwae ne ọ gha ka gha khian ne ọ ya gu ivbi Kenan gbinna vbe uwu ima?”

I Samuẹl 10:22

Iran keghi dọlegbe nọ e Nọyaẹnmwa wẹẹ, “Ọmwa ọvbehe yevbe rrọọ ra?” E Nọyaẹnmwa keghi wanniẹn iran wẹẹ, “E Sọl rre evba, ọ lẹre ye iyeke ehe ne a viọ ihẹ yi.”

I Samuẹl 14:37

Ẹre Sọl na nọ Osanobua wẹẹ, “Ne I dekun ivbi e Filistin ra? U gha gie ima khọnmiotọ ra?” Sokpan, Osanobua ma zẹ ẹmwẹ wanniẹn ẹdẹrriọ.

I Samuẹl 23:3

Sokpan, emwa Devid keghi tama rẹn wẹẹ, “Ehe ne ima ye vbe Juda na, emwi ne ọ si afianma ye ọmwa egbe sẹe vbọ, a deghẹ ma ghi vbe gha rrie Keila ya gu ivbi e Filistin khọn, ẹre te emwi hia ghi wa dọlegbe kulo.”

I Samuẹl 23:4

Ẹre Devid na dọlegbe nọ e Nọyaẹnmwa, e Nọyaẹnmwa keghi tama rẹn wẹẹ, “Ya gu e Keila gbinna rhunmwuda I gha rhie akhọnmiotọ nuẹn.”

I Samuẹl 23:6

Ugbẹn vbe Abiata ne ovbi Ahimẹlẹk ghi lẹfua, ọ keghi mu adaghọ ni ọ na ya vba e Devid vbe Keila.

I Samuẹl 30:8

E Devid keghi nọ e Nọyaẹnmwa wẹẹ, “Nẹ I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu ni hia fan.”