I Samuẹl 22:7 - Edo Bible (E Baibol Ẹdo) Version 1996

⁷ rẹ keghi tama emwa rẹn wẹẹ, “Wa danmwehọ, wa ne ivbi e Bẹnjamin, te uwa ro ighẹ e Devid gha mu ugbo azara ne uwa, ọ ghi vbe ma uwa ọkaokuo nekherhe kevbe nekhua vbe uwu ivbiyoko ẹre ra?

I Samuẹl 22:7 ပူးပေါင်းရင်းမြစ်များ

II Samuẹl 18:1

E Devid ne ọba keghi viọ emwa rẹn hia ladian, ọ na gha iran ye otu, eso arriaisẹn, eso iyisẹn, ọ na viọ ọkaolotu ne ọ gbearoghe iran lelẹe.

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

I Ọba 12:16

Emwa ni ghi rẹn nẹ wẹ ọba i ra zẹ ye iran re. Iran keghi datu wẹẹ, “De ne ọ kan mwa vbe ẹmwẹ Devid yi! Ugbẹn ne ọ mu ovbi e Jese, ma mu mwa. Ivbi Izrẹl, edọmwadẹ ọghọe gha rrie owa ẹre. Ghe owa e Devid ne erha ne u tọn mu.” Ẹre emwa Izrẹl na sọtẹ,

I Krọnikol 12:16

Ẹghẹ ọkpa, ikpia eso keghi si egbe koko vbe Bẹnjamin kevbe Juda, iran na bu e Devid vbe ehe ne ọ ye ne a gbe odin ga vbe ato.

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

I Samuẹl 18:14

ọ na gha ru rho obọ vbe emwi ne ọ ru hia rhunmwuda, e Nọyaẹnmwa rrọọ yaba ẹre.

I Samuẹl 20:27

Vbe ẹdẹ ne ọ lele ẹe vbe ikpẹdẹ ne ọ lele emwiukpo Uki Ọgbọn nii, te ihe itota e Devid ye de ihoi, e Sọl keghi nọ e Jonatan wẹẹ, “Vbọzẹ ne Devid ma na do rri evbare nodẹ kevbe ẹre na yi?”

I Samuẹl 20:30

Ohu e Jonatan keghi wa kakabọ mu e Sọl. O tama rẹn wẹẹ, “Wẹ ne a ma biẹ ẹse na, I rẹnrẹn ighẹ uma ọkpa ọ re uwẹ vbe Devid gha ye, u na gha fa egbe ruẹ kevbe nene iye uẹ nii u an.

I Samuẹl 22:13

E Sọl keghi nọ rẹn wẹẹ, “Vbọzẹ ne uwẹ vbe Devid na si uma odẹ ne uwa gha la mwẹ re yi? Vbọzẹ ne u na viọ evbare kevbe umozo ne ẹẹn, u na vbe gu Osanobua guan ne ẹẹn? Banbanna nian, ọ mu aro igbinna da mwẹ nẹ, ehe ne obọ ẹre gha na ke ẹe sẹẹ ọre ọ ghi gualọ.”

I Samuẹl 22:9

E Doeg ne ovbi ẹvbo Idọm wa mudia ba emwa e Sọl vbe ẹghẹ ne a kha na, ọ keghi kha wẹẹ, “I miẹn e Devid vbe ọ la ọghe Ahimẹlẹk ne ovbi Ahitub, vbe Nob.

I Samuẹl 25:10

Vbe okiekie, e Nabal keghi wanniẹn wẹẹ, “E Devid? De Ọmwa ne a tie vberriọ. yi? I ma he họn ẹmwẹ ọnrẹn ẹdẹ. Ẹ i re avbiẹ eviẹn ni lẹkua ọ ghi rre ẹvbo!