I Samuẹl 22:6 - Edo Bible (E Baibol Ẹdo) Version 1996

⁶ E Sọl Keghi rre Gibea ẹdẹ ọkpa ọ na tota ye ototọ erhan tamarisk vbe uhunmwu oke, asoro ẹre kevbe gu ẹe vbe obọ. Emwa rẹn hia na mudia lẹga ẹre. Iran keghi tama rẹn wẹ a rẹn ehe ne Devid kevbe emwa rẹn ye nẹ,

I Samuẹl 22:6 ပူးပေါင်းရင်းမြစ်များ

Gẹnẹsis 21:33

Ebraham keghi gbọ erhan ikhinmwi ye Biẹsiẹba, ọ ke ga Nọyaẹnmwa ne Osanobua Etẹbitẹ.

Giọgis 4:5

Udin ọkpa rre ẹkpo e Rama kevbe Bẹtẹl vbe ẹvbo oke Ifreim. Evba ọ re ọ gha tota yi, ivbi Izrẹl ghi vbe gha bu ẹre rrie evba ne iran do gha họn vbene ọ kha hẹ.

I Samuẹl 14:2

E Sọl keghi gba agọ ye ẹzi erhan nọkhua ọkpa vbe Migrọn, vbe ehe ne ọ ma rrei gbe vbe Gibea, ọmwa arhin uri eha (600) kegha gue ẹe.

I Samuẹl 18:10

Vbe ikpẹdẹ ne ọ lele ẹe, orhiọn dan ne ọ ke obọ Osanobua rre keghi hin e Sọl, ọ na gha tu wawaawa vbe owa ẹre zẹ vbe ọmwẹmwẹ. E Devid kegha kpe akpata ẹre zẹ vbene ọ ru ẹe ẹdẹgbegbe, e Sọl keghi mu asoro mwẹ obọ.

I Samuẹl 19:9

Ọ ghi sẹ ẹdẹ ọkpa, orhiọn dan ne ọ ke ehe ne Nọyaẹnmwa ye rre keghi hin yan e Sọl. E Sọl keghi tota ye uwu owa ẹre ke ẹe kevbe asoro vbe obọ. E Devid keghi vbe gha rre evba, ọ na gha kpe akpata ne ẹẹn.

I Samuẹl 20:33

Ọ ghi wa ta ọnii, e Sọl keghi wa fi asoro gie ẹe ne ọ wa gbe ẹe rua, evba e Jonatan ghi na do rẹn wẹ te erha irẹn wa yan yọ ne ọ gbe Devid ua.

I Samuẹl 31:13

Iran keghi viọ ugboloko ni rrọọ, iran keghi re ẹre ye ẹzi erhan e tamarisk vbe ẹvbo nii, iran na khiẹ la ikpẹdẹ ihinrọn.